ఉస్తాద్ భగత్ సింగ్: తాజా అప్‌డేట్‌తో అభిమానుల్లో ఉత్సాహం!
తెలుగు చలనచిత్ర పరిశ్రమలోని ప్రముఖ నటుడు, రాజకీయ నాయకుడు పవర్ స్టార్ పవన్ కళ్యాణ్ గురించి తెలియని వారుండరు. తన నటనతో ప్రేక్షకులను అలరించడమే కాకుండా రాజకీయాల ద్వారా సమాజానికి మంచి చేయాలనే తపన కూడా ఆయనలో ఉంది. తాజాగా ఆయన రాజకీయ జీవితంలో కొన్ని కీలకమైన నిర్ణయాలు తీసుకున్నారు. ప్రస్తుతం తన రాజకీయ జీవితం పై దృష్టి పెట్టిన ఆయన మళ్ళీ సినిమాల్లోకి ఎప్పుడెప్పుడు వస్తాడా అని రెండు రాష్ట్రాల ప్రేక్షకులు ఆసక్తిగా ఎదురుచూస్తున్నారు. ఆయన తన సినిమా ప్రాజెక్ట్‌లను త్వరగా పూర్తి చేయాలని చాలా ఆసక్తిగా ఉన్నప్పటికీ కూడా అతని రాజకీయ బాధ్యతలు
అతనిని ఆక్రమించాయి. అయితే ఆయన తాజాగా హరీష్ శంకర్ దర్శకత్వంలో "ఉస్తాద్ భగత్ సింగ్" సినిమా చేస్తున్న విషయాన్ని అందరికీ తెలిసిందే. అయితే తాజా సమాచారం ప్రకారం ఇటీవల ఓ ప్రెస్‌మీట్‌లో త్వరలో షూటింగ్ ని ప్రారంభించే ఆలోచనలో ఉన్నామని..డిసెంబర్ లేదా జనవరి నెలాఖరులోగా షూటింగ్ మొత్తం పూర్తి చేయాలని లక్ష్యంగా పెట్టుకున్నట్లు నిర్మాత రవిశంకర్ యలమంచిలి వెల్లడించారు. అంతే కాకుండా పవన్ కళ్యాణ్ పుట్టినరోజు సందర్భంగా ఆయనకి ఓ ప్రత్యేక సర్ప్రైజ్ కూడా ఉంది అని ప్రకటించారు. ప్రస్తుతం ఈ వార్త సోషల్ మీడియా లో తెగ వైరల్ అవుతుంది. ఇది విన్న ప్రేక్షకులు అంతా ఏంటి
ఆ సర్ప్రైజ్ అని ఆసక్తిగా ఎదురు చూస్తున్నారు. ఇది ఇక ఉంటే ఈ సినిమాలో శ్రీలీల హీరోయిన్గా నటిస్తున్న ఈ చిత్రానికి దేవి శ్రీ ప్రసాద్ సంగీతం అందించారు. ఇది కాసేపు పక్కన పెడితే పవర్ స్టార్ పవన్ కళ్యాణ్ పుట్టిన రోజు సందర్భంగా సెప్టెంబర్ 2న గబ్బర్ సింగ్ సినిమా రీ రిలీజ్ కి సిద్ధమైంది. 4కే వెర్షన్ ను చూసేందుకు అభిమానులు కూడా ఎంతో ఆసక్తిగా ఎదురు చూస్తున్నారు. గబ్బర్ సింగ్ సినిమా రీ రిలీజ్ ద్వారా బాక్సాఫీస్ రికార్డులు బద్దలు కొట్టాలని నిర్మాతలు ఆశిస్తున్నారు. పవన్ కళ్యాణ్ "గబ్బర్ సింగ్" రీ రిలీజ్ తెలుగు సినీ ప్రేమికులకు పండగల మారింది. ఈ సినిమా మళ్లీ బాక్సాఫీస్‌ను షేక్ చేస్తుందని అంచనా.