పుష్ప 2 రిలీజ్ ఆరోజే పక్కా..అంటూ పార్ట్ 3 పై హింట్ ఇచ్చిన రావు రమేష్...!
తెలుగు సినీ ప్రేమికులకు పుష్ప సినిమా అంటే ఎంతటి క్రేజ్ ఉందో అందరికీ తెలిసిందే. పుష్ప: ది రైజ్ అనంతరం, పుష్ప: ది రూల్ అనే సీక్వెల్ కూడా భారీ అంచనాల మధ్య విడుదలవబోతోంది. ఇప్పుడు పుష్ప ఫ్యాన్స్‌కు మరో గుడ్ న్యూస్. పుష్ప-2 విడుదల రోజే పుష్ప-3కి సంబంధించిన అధికారిక ప్రకటన రాబోతుందని సినీ వర్గాల్లో జోరుగా ప్రచారం జరుగుతోంది. కాగా పుష్ప-1 సినిమా భారీ విజయాన్ని అందుకోగ ఇప్పుడు పుష్ప-2 పై అంచనాలు భారీగా ఉన్నాయి. సుకుమార్ దర్శకత్వంలో తెరకెక్కుతున్న ఈ సినిమాలో ఐ కాన్ స్టార్ అల్లు అర్జున్ హీరోగా రష్మిక మందన్నా హీరోయిన్గా అంతే కాకుండా ఫహద్ ఫాసిల్ లాంటి
స్టార్ కాస్ట్ నటిస్తున్నారు. ఇది ఇలా ఉంటే ఈ సినిమాకి సంబంధించిన విషయం ఒకటి వైరల్ గా మారింది. అది ఏంటంటే....తాజాగా 'మారుతీనగర్ సుబ్రహ్మణ్యం' సినిమా ప్రమోషన్స్ లో నటుడు రావు రమేష్ కూడా పుష్ప-3 గురించి హింట్స్ అయితే ఇచ్చారు. తాను కాల్షీట్స్ ఇచ్చానని వాటిని పుష్ప, పుష్ప-2 కోసం వాడుకున్నారని, మిగిలినవి తర్వాత సినిమా కోసం అంటూ పుష్ప-3 గురించి కొంచం హింట్ ఇచ్చారు. అయితే పుష్ప-2 ఇప్పటికే పలుమార్లు వాయిదా పడుతూ వచ్చింది. ఆగస్టు 15న పుష్ప-2 విడుదల అవ్వాల్సి ఉండగా అనుకోని కారణాల వల్ల రిలీజ్ వాయిదా పడింది. అయితే ఇక సినిమా వాయిదా పడే
అవకాశాలు లేవని.. చెప్పిన డేట్ కు తప్పకుండా విడుదల చేస్తామని చిత్ర యూనిట్ తెలిపింది. ఇక ఈ సినిమా డిసెంబర్ 6వ తేదీన తెలుగు, తమిళ, హిందీ, కన్నడ, మలయాళ భాషల్లో అత్యంత భారీ స్థాయిలో ప్రేక్షకుల ముందుకు రాబోతుంది. మైత్రి మూవీ మేకర్స్, సుకుమార్ రైటింగ్స్ పతాకంపై నవీన్ ఎర్నేని, ఎలమంచిలి రవిశంకర్ ఈ సినిమాను నిర్మిస్తున్నారు. పుష్ప-2 విడుదలకు కేవలం కొద్ది నెలలు మాత్రమే మిగిలి ఉండటంతో అభిమానులు ఆసక్తిగా ఉన్నారు. సోషల్ మీడియాలో పుష్ప-2కి సంబంధించిన హ్యాష్‌ట్యాగ్స్ ట్రెండ్ అవుతున్నాయి. ఈ సినిమా భారీ వసూళ్లు సాధించి కొత్త రికార్డులు సృష్టిస్తుందని అభిమానుల అభిప్రాయం.