కల్కి 2 షూటింగ్ స్టార్ట్.. నిర్మాత క్లారిటీ..!?
గతేడాది సలార్ తో సూపర్ హిట్ కొట్టిన ప్రభాస్ ఈ ఏడాది కల్కి సినిమాతో బ్లాక్ బస్టర్ అందుకున్నాడు. ప్రస్తుతం హను రాఘవపూడి దర్శకత్వంలో ఓ సినిమా చేస్తున్నాడు డార్లింగ్. అలానే మారుతితో కలిసి ది రాజా సాబ్, నాగ్ అశ్విన్ తో కలిసి కల్కి 2, ప్రశాంత్ నీల్ తో సలార్ 2, సందీప్ రెడ్డి వంగాతో కలిసి స్పిరిట్ సినిమాలను లైన్ లో పెట్టాడు. త్వరలోనే ఈ సినిమాకు సంబంధించి మరిన్ని అప్ డేట్స్ రానున్నాయి. ఇక నాగ్ అశ్విన్ తెరకెక్కించిన కల్కి సినిమాలో బాలీవుడ్ అందాల తార దీపికా పదుకొణె హీరోయిన్ గా నటించింది. బిగ్ బీ అమితాబ్ బచ్చన్, లోక నాయకుడు కమల్ హాసన్, దిశా పటానీ, శోభన, రాజేంద్ర
ప్రసాద్ తదితరులు ప్రధాన పాత్రలు పోషించారు. అలాగే రామ్ గోపాల్ వర్మ, బ్రహ్మానందం, విజయ్ దేవరకొండ, దుల్కర్ సల్మాన్, మృణాళ్ ఠాకూర్, మాళవికా నాయర్ తదితరులు క్యామియో రోల్స్ లో మెరిశారు. వైజయంతీ మూవీస్ బ్యానర్ పై సుమారు రూ. 700 కోట్ల బడ్జెట్ తో ప్రముఖ నిర్మాత అశ్వనీదత్ కల్కి సినిమాను నిర్మించారు. జూన్ 27న థియేటర్లలో రిలీజైన కల్కి సినిమా ఓవరాల్ గా రూ.1200 కోట్లకు పైగానే కలెక్షన్లు వచ్చాయి. ఇక ఈ మూవీకి సీక్వెల్ పార్ట్ ఉందన్న సంగతి తెలిసిందే. కల్కి 2 కోసం అడియన్స్ ఎంతో ఆసక్తిగా వెయిట్ చేస్తున్నారు. ఇప్పటికే కల్కి 2 గురించి పలుమార్లు హింట్ ఇచ్చారు మేకర్స్.
తాజాగా సెకండ్ పార్ట్ పై నిర్మాతలు స్వప్నదత్, ప్రియాంకదత్ లు స్పందించారు. తాజాగా రష్యాలో జరిగిన మాస్కో ఇంటర్నేషనల్ ఫిల్మ్ వీక్ లో వీరిద్దరు పాల్గొన్నారు. ఈ సందర్భంగా ఓ ఆంగ్ల మీడియాతో మాట్లాడుతూ కల్కి 2 అప్డేట్ ఇచ్చారు. ఈ మూవీ సీక్వెల్ షూటింగ్ జనవరి, ఫిబ్రవరిలో స్టార్ట్ చేయనున్నట్లు తెలిపారు. చిత్రీకరణ ప్రారంభమైన తర్వాత పార్ట్ 2కు సంబంధించిన అప్డేట్స్ ఇస్తామని అన్నారు. అలాగే కల్కి విడుదల సమయంలో వచ్చిన ప్రశంసలను ఎప్పటికీ మర్చిపోలేమని ప్రియాంకదత్ అన్నారు...!!