షాకింగ్: ఎవరు ఊహించని డైరెక్టర్ తో అల్లు అర్జున్ నెక్స్ట్ మూవీ..!?
అల్లు అర్జున్ హీరోగా సుకుమార్‌ దర్శకత్వంలో రూపొందిన పుష్ప దిరైజ్‌కు సీక్వెల్‌గా రూపొందుతున్న పుష్ప-2 దిరూల్‌ చిత్రం గురించి ప్రపంచవ్యాప్తంగా సినీ ప్రేక్షకులు ఎదురుచూస్తున్నారు. మైత్రీ మూవీ మేకర్స్‌ అండ్‌ సుకుమార్‌ రైటింగ్స్‌ పతాకంపై నవీన్‌ ఎర్నేని, యలమంచిలి రవిశంకర్‌ ఈ చిత్రాన్ని నిర్మిస్తున్న సంగతి తెలిసిందే. కాగా ఈ చిత్రం డిసెంబర్‌ 6న తెలుగు, తమిళ, హిందీ, మలయాళ, కన్నడ భాషల్లో అత్యంత భారీ స్థాయిలో విడుదల కానుంది. ఇటీవలే ఈ చిత్రం నుంచి వచ్చిన పుష్ప.. పుష్పరాజు అనే టైటిల్‌ సాంగ్‌తో పాటు సూసేటి అగ్గిరవ్వ అనే కపుల్‌ సాంగ్‌ ఎంతటి సంచలనాలు సృష్టించాయో ప్రత్యేకంగా
చెప్పనక్కర్లేదు. ప్రస్తుతం రామోజీ ఫిల్మ్‌ సిటీలో పతాక సన్నివేశాల చిత్రీకరణ జోరుగా సాగుతుంది. ఇప్పటి వరకు తెలుగు తెరపై రానటువంటి అద్భుతైమన క్లైమాక్స్‌ను దర్శకుడు సుకుమార్‌ ప్లాన్‌ చేశాడని సమాచారం. ఈ సినిమా తర్వాత అల్లు అర్జున్.. త్రివిక్రమ్ దర్శకత్వంలో నెక్ట్స్ ప్రాజెక్ట్ దాదాపు ఖాయం అయిందనే ముచ్చట వినపడుతోంది. అయితే త్రివిక్రమ్ సినిమా సెట్స్ పైకి వెళ్లకముందే.. క్రిష్ దర్శకత్వంలో అల్లు అర్జున్ ఓ ప్రాజెక్ట్ చేయబోతున్నాడు. అయితే.. వీరిద్దరు సినిమా కోసం కాకుండా ఓ యాడ్ కోసం చేతులు కలుపుతున్నారు. 'థమ్స్ అప్' నేషనల్ వైడ్ బ్రాండ్ అంబాసిడర్ గా అల్లు అర్జున్ ను
నియమించిండట. మొదట చిరంజీవి, ఆ తర్వాత మహేష్ బాబు.. విజయ్ దేవరకొండ తర్వాత థమ్స్ యాడ్ ఇపుడు అల్లు అర్జున్ చేతుల్లోకి వెళ్లింది. దానికి సంబంధించిన యాడ్ ను త్వరలో షూట్ చేయనున్నారు. ఈ యాడ్ ను క్రిష్ దర్శకత్వంలో తెరకెక్కించనున్నాడట. త్వరలో ఈ యాడ్ కు సంబంధించిన షూటింగ్ లో అల్లు అర్జున్ జాయిన్ కానున్నాడు. ఇక ప్రస్తుతం క్రిష్.. పవన్ కళ్యాణ్ హీరోగా 'హరి హర వీరమల్లు' సినిమా కోసం పనిచేస్తున్నారు...!!