మహర్షి సినిమాలో నేను అప్పుడు ఎంట్రీ ఇచ్చాను.. అందుకే అలాంటి పరిస్థితి.. దిల్ రాజు..!
కొన్ని సంవత్సరాల క్రితం సూపర్ స్టార్ మహేష్ బాబు హీరోగా పూజా హెగ్డే హీరోయిన్గా వంశీ పైడిపల్లి దర్శకత్వంలో మహర్షి అనే కమర్షియల్ ఎంటర్టైనర్ మూవీ రూపొందిన విషయం మన అందరికీ తెలిసిందే. ఈ సినిమాలో తెలుగు సినీ పరిశ్రమలో నటుడిగా మంచి గుర్తింపును సంపాదించుకున్న అల్లరి నరేష్ కీలక పాత్రలో నటించగా ... జగపతి బాబు ఈ మూవీ లో విలన్ పాత్రలో నటించాడు. మంచి అంచనాల నడుమ విడుదల అయిన ఈ సినిమా బాక్స్ ఆఫీస్ దగ్గర మంచి విజయాన్ని అందుకుంది. అలాగే ఈ సినిమా సూపర్ సాలిడ్ కలెక్షన్లను వసూలు చేసింది.
ఇకపోతే ఈ సినిమాలో దిల్ రాజు కూడా ఒక నిర్మాత. తాజాగా ఈ మూవీ గురించి దిల్ రాజు కొన్ని ఆసక్తికరమైన విషయాలను తెలియజేశాడు. దిల్ రాజు "మహర్షి" మూవీ గురించి మాట్లాడుతూ ... మహర్షి మూవీ నిజానికి మా సినిమా కాదు. ఆ సినిమాకు వేరే నిర్మాత ఉండేవాడు. కానీ కొన్ని అనుకోని పరిస్థితుల వల్ల ఆ నిర్మాత సైడ్ కావడంతో నేను అందులోకి ఎంట్రీ ఇవ్వడం జరిగింది. నాతో పాటు మరి కొంత మంది కలిసి ఈ సినిమాను నిర్మించాం. ఇక మేము ఈ సినిమాలో భాగస్వామ్యం అయ్యే వరకు ఈ మూవీ కి సంబంధించిన కథ మరియు షూటింగ్ అన్ని ప్రారంభం అయ్యాయి.
దానితో ఈ సినిమాకు సంబంధించి మేము మధ్యలో ఎంటర్ కావడం వల్ల ఆ మూవీ కథలో మేము ఎలాంటి మార్పులు చేసే అవకాశం లేదు. ఏదేమైనా ఆ సినిమా కథ అద్భుతమైనది. అందుకే నేను అందులో భాగస్వామిని అయ్యాను. ఇక సినిమా విడుదల అయ్యి అద్భుతమైన విజయం అందుకుంది. మహేష్ బాబు కెరియర్ లోనే ఆ మూవీ ఆ సమయానికి అద్భుతమైన కలక్షన్లను చేసింది. అలా మహర్షి సినిమాలోకి మధ్యలో ఎంట్రీ ఇచ్చిన అది అద్భుతమైన కథ కావడంతో మంచి విజయం అందుకుంది అని దిల్ రాజు తాజాగా చెప్పుకొచ్చాడు.