ఓవైపు ఆనందం.. మరోవైపు టెన్షన్ లో నాగ్ ఫ్యాన్స్.. వరుసగా అలాంటి నిర్ణయాలే..?
టాలీవుడ్ కింగ్ అక్కినేని నాగార్జున గురించి ప్రత్యేకంగా పరిచయం చేయాల్సిన అవసరం లేదు. ఇప్పటికే నాగర్జున ఎన్నో సూపర్ సాలిడ్ విజయాలను అందుకుని టాలీవుడ్ ఇండస్ట్రీలో అద్భుతమైన క్రేజ్ ఉన్న సీనియర్ స్టార్ హీరోలలో ఒకరిగా కెరియర్ను కొనసాగిస్తున్నాడు. ఇది ఇలా ఉంటే నాగార్జున ఈ మధ్య కాలంలో చేస్తున్న పనుల వల్ల ఆయన అభిమానులు ఆనంద పడటం మాత్రమే కాకుండా కాస్త టెన్షన్ కూడా పడుతున్నారు. ఎందుకు అనుకుంటున్నారా ..? అసలు విషయంలోకి వెళితే ... నాగార్జున కు ఇప్పటికీ కూడా టాలీవుడ్ ఇండస్ట్రీ లో అద్భుతమైన క్రేజ్ ఉంది. ఆయన నటించిన సినిమాలకు హిట్ , ఫ్లాప్ లతో సంబంధం లేకుండా మంచి కలెక్షన్లు వస్తూ ఉంటాయి.
అంత మంచి క్రేజ్ ఉన్న ఈయన ఈ మధ్య కాలంలో సినిమాల్లో హీరోగా నటించడం కంటే కూడా వివిధ పాత్రలో నటించడానికి ఎక్కువ ఆసక్తి చూపిస్తున్నాడు. కొన్ని రోజుల క్రితం హిందీ సినిమా బ్రహ్మాస్త్ర లో కీలక పాత్రలో నటించిన ఈయన ప్రస్తుతం శేఖర్ కమ్ముల దర్శకత్వంలో రూపొందుతున్న కుబేర సినిమాలో కూడా ఓ కీలక పాత్రలో నటిస్తున్నాడు. ఇకపోతే ప్రస్తుతం రజనీ కాంత్ హీరోగా లోకేష్ కనకరాజు దర్శకత్వంలో కూలీ అనే మూవీ రూపొందుతున్న విషయం మన అందరికీ తెలిసిందే. ఈ సినిమాలో కూడా నాగార్జున ఓ కీలక పాత్రలో కనిపించనున్నాడు.
తాజాగా ఈ మూవీ బృందం కూలీ సినిమాలో నాగార్జున సీమన్ అనే పాత్రలో కనిపించబోతున్నట్లు అధికారికంగా ప్రకటిస్తూ నాగార్జున కు సంబంధించిన ఒక పోస్ట్ లుక్ పోస్టర్ ను కూడా విడుదల చేసింది. ఇక నాగార్జున అద్భుతమైన క్రేజ్ ఉన్న సినిమాలలో కీలక పాత్రలలో నటిస్తూ ఉండడం వల్ల ఆయన అభిమానులు ఆనంద పడుతున్న , అంత క్రేజ్ ఉన్న హీరో ఇతర హీరోల సినిమాలలో కీలక పాత్రలో నటించడం ఎందుకు ఆయనే సోలో హీరోగా సినిమాలు చేస్తే బాగుంటుంది అని నాగ్ ఫాన్స్ అభిప్రాయ పడుతున్నట్లు తెలుస్తోంది.