ఆ విషయంలో పుష్ప కంటే ముందున్న గేమ్ చేంజర్..?
ఐకాన్ స్టార్ అల్లు అర్జున్ ఆఖరుగా పుష్ప పార్ట్ 1 అనే మూవీ తో ప్రేక్షకుల ముందుకు వచ్చిన విషయం అందరికీ తెలిసిందే. ఈ మూవీ బాక్స్ ఆఫీస్ దగ్గర మంచి విజయం అందుకుంది. ఈ సినిమాలోని నటనకు అల్లు అర్జున్ కు నేషనల్ అవార్డు కూడా దక్కింది. సుకుమార్ దర్శకత్వంలో రూపొందిన ఈ సినిమాలో రష్మిక మందన హీరోయిన్గా నటించింది. ఇకపోతే ప్రస్తుతం ఈ సినిమాకు కొనసాగింపుగా పుష్ప పార్ట్ 2 మూవీ చిత్రీకరణ జరుగుతుంది. ఈ మూవీ ని ఆగస్టు 15 వ తేదీన విడుదల చేయనున్నట్లు మేకర్స్ ప్రకటించారు.
కానీ అప్పటివరకు ఈ సినిమాకు సంబంధించిన చాలా పనులు పెండింగ్ ఉండడంతో ఈ మూవీ ని ఈ సంవత్సరం డిసెంబర్ 6 వ తేదీన విడుదల చేయనున్నట్లు మూవీ యూనిట్ ప్రకటించింది. ఇకపోతే ఈ సంవత్సరం డిసెంబర్ నెలలో భారీ అంచనాలు కలిగిన మరో పాన్ ఇండియా మూవీ అయినటువంటి గేమ్ చేంజర్ కూడా డిసెంబర్ 21 వ తేదీన విడుదల కానుంది. ఈ సినిమాలో మెగా పవర్ స్టార్ రామ్ చరణ్ హీరోగా నటించగా ... శంకర్ ఈ మూవీ కి దర్శకత్వం వహించాడు. ఇకపోతే డిసెంబర్ 6 వ తేదీన విడుదల ఉన్నా కూడా పుష్ప పార్ట్ 2 కు సంబంధించిన చాలా పనులు పెండింగ్ ఉన్నట్లు తెలుస్తోంది.
ఇక గేమ్ చేంజర్ కు సంబంధించిన చాలా పనులు ఇప్పటికే కంప్లీట్ అయ్యాయి. ఆల్రెడీ పోస్ట్ ప్రొడక్షన్ పనులు ప్రారంభం అయ్యి చాలా కాలమే అవుతుంది. ఇక ఈ మూవీ కి సంబంధించిన ప్రచారాలను కూడా ఈ వినాయక చవితి నుండి గేమ్ చేంజర్ మూవీ యూనిట్ మొదలు పెట్టబోతున్నట్లు తెలుస్తోంది. ఆ తర్వాత నాన్ స్టాప్ గా ఈ మూవీ ప్రచారాలు జరగనున్నట్లు తెలుస్తోంది. ప్రచార విషయంలో చూసినట్లు అయితే పుష్ప 2 కంటే గేమ్ చేంజర్ మూవీ యూనిట్ చాలా ముందు ఉన్నట్లు తెలుస్తోంది.