ఆ స్టార్ డైరెక్టర్ తో సినిమాకి గ్రీన్ సిగ్నల్ ఇచ్చిన కళ్యాణ్ రామ్..!?
నందమూరి కళ్యాణ్ రామ్ దర్శకుడు ప్రదీప్ చిలుకూరి కలిసి తాజాగా ఓ సినిమా చేస్తున్న విషయం తెలిసిందే. ఇక ఈ సినిమా కళ్యాణ్ కెరీర్ లో 21 వ సినిమా గా తెరకెక్కబోతుంది. ఈ సినిమా ప్రేక్షకుల ఆసక్తిని రెట్టింపు చేస్తోంది. భారీ బడ్జెట్‌తో తెరకెక్కుతున్న ఈ సినిమాలో కళ్యాణ్ రామ్ కొత్త అవతారంలో కనిపించబోతున్నారు. అంతే కాకుండా విజయశాంతి కూడా ఈ సినిమాలో కీలక పాత్ర పోషిస్తున్నారు. సరైలే నీకెవ్వరు సినిమా తర్వాత విజయశాంతి మళ్లీ తెలుగు తెరపైకి వస్తుండటం విశేషం. ఈ సినిమాను పూర్తిస్థాయి యాక్షన్ ఎంటర్‌టైనర్‌గా తెరకెక్కిస్తున్నారు. కళ్యాణ్ రామ్‌ను మునుపెన్నడూ చూడని యాక్షన్
అవతార్‌లో చూపించాలనే లక్ష్యంతో దర్శకుడు ప్రదీప్ చిలుకూరి ఈ సినిమాను రూపొందిస్తున్నారు. కళ్యాణ్ రామ్ కూడా ఈ సినిమా కోసం చాలా కష్టపడుతున్నారు. సినిమా కథ గురించి ఇంకా అధికారికంగా ఎలాంటి సమాచారం వెల్లడించలేదు. అయితే ఇది ఒక పవర్‌ఫుల్ యాక్షన్ ఎంటర్‌టైనర్ అని కళ్యాణ్ రామ్ కొత్త కోణంలో కనిపించబోతున్నాడని చిత్ర యూనిట్ తెలిపింది. ఇది ఇలా ఉంటే ఇక ఈ సినిమా తరువాత కళ్యాణ్ రామ్ తన నెక్స్ట్ సినిమాకి గ్రీన్ సిగ్నల్ ఇచ్చినట్టు సినీ సర్కిల్స్‌లో వార్తలు చెప్పర్లు కొడుతున్నాయి. టాలివుడ్ లో తనకంటూ ఒక ప్రత్యేకమైన గుర్తింపును తెచ్చుకున్న పల్నాటి సూర్య ప్రతాప్
తో కలిసి కళ్యాణ్ రామ్ సినిమా కథ విని ఒకే చేశారట. ఈ సినిమాను త్వరలోనే పట్టాలకెక్కించే అవకాశం ఉన్నట్లు తెలుస్తోంది. కాగా ఈ సినిమాను ఎన్టీఆర్ ఆర్ట్స్ బ్యానర్ ప్రొడ్యూస్ చేస్తుందని టాక్. మరి సుకుమార్ శిష్యుడైన సూర్య ప్రతాప్ తెరకెక్కించే ఈ సినిమాను సుకుమార్ రైటింగ్స్ బ్యానర్ కో-ప్రొడ్యూస్ చేస్తుందా లేదా అనేది ఆసక్తికరంగా మారింది. ప్రస్తుతం ఈ విషయం సోషల్ మీడియాలో తెగ వైరల్ అవుతుంది. ఇక దిని పై అధికారిక ప్రకటన రావాల్సి ఉంది.