విజయ్ దేవరకొండ కోసం దేవర.. VD12 కోసం అంత పెద్ద రిస్క్ చేసిన ఎన్టీఆర్..!?
టాలీవుడ్ హీరోల్లో భారీ ఫ్యాలోయింగ్ ఉన్న హీరోల్లో ఎన్టీఆర్ ఒకరు. ఆయన నటించిన ఆర్ఆర్ఆర్ ఏకంగా ఆస్కార్ అవార్డులు దక్కించుకోవడంతో ప్రపంచవ్యాప్తంగా పాపులారిటీ రావడంతో పాటు గ్లోబల్ స్టార్ గుర్తింపు సంపాదించుకున్నాడు. ప్రజెంట్ తారక్ కొరటాల శివ డైరెక్షన్‌లో దేవర సినిమా చేస్తున్న విషయం తెలిసిందే. ఇందులో బాలీవుడ్ యంగ్ బ్యూటీ జాన్వీ కపూర్ ఎన్టీఆర్ సరసన హీరోయిన్‌గా నటిస్తుంది. అయితే దేవర మూవీ సెప్టెంబర్ 27న థియేటర్స్‌లో విడుదల కాబోతుండటంతో షూటింగ్ శరవేగంగా జరుగుతోంది. ఇక ఈ విషయం కాసేపు పక్కన పెడితే విజయ్ దేవరకొండ హీరోగా గౌతమ్
తిన్ననూరి కాంబోలో ఓ సినిమా రాబోతోంది. విజయ్ గత సినిమాలకు భిన్నంగా స్పై యాక్షన్ ఎంటర్‌టైనర్‌గా ఈ మూవీ తెరకెక్కుతోంది. ఇందులో విజయ్ దేవరకొండ కంప్లీట్ మాస్ లుక్‌లో కనిపించనున్నాడు. ఇటీవల రిలీజ్ చేసిన ఫస్ట్ లుక్‌లో షార్ట్ హెయిర్ కట్‌, గడ్డంతో కనిపించాడు. వీడీ 12 మూవీని సితార ఎంటర్‌టైన్‌మెంట్స్ పతాకంపై సూర్యదేవర నాగవంశీ ప్రొడ్యూస్ చేస్తున్నాడు. కాగా వీడి12లో హీరోయిన్ ఎవరన్నది ఆసక్తికరంగా మారింది. తొలుత శ్రీలీలను హీరోయిన్‌గా తీసుకున్నారు. కానీ బ్యాక్ టూ బ్యాక్ డిజాస్టర్స్ కారణంగా ఆమెను సినిమా నుంచి తప్పించినట్లు వార్తలు వినిపిస్తున్నాయి. శ్రీలీల స్థానంలో భాగ్యశ్రీ
బోర్సే వీడీ12 సినిమాలో హీరోయిన్‌గా కనిపించబోతున్నట్లుగా కొన్నాళ్లుగా పుకార్లు షికారు చేస్తోన్నాయి. ఈ రూమర్స్‌పై ఇప్పటివరకు చిత్ర యూనిట్ మాత్రం ఆఫీషియల్‌గా క్లారిటీ ఇవ్వలేదు. కాగా వీడీ 12 అనే వర్కింగ్ టైటిల్‌తో తెరకెక్కుతోన్న ఈ మూవీకి సంబంధించి ఓ ఆసక్తికర వార్త ప్రచారం జరుగుతోంది. విజయ్ దేవరకొండ సినిమాకు జూనియర్ ఎన్టీఆర్ వాయిస్ ఓవర్‌ను అందించనున్నట్లు సమాచారం. వీడీ 12 కథతో పాటు విజయ్ పాత్రను సినిమాలో ఎన్టీఆర్ పరిచయం చేస్తారని అంటున్నారు.వాయిస్ ఓవర్ కోసం పలువురు స్టార్ హీరోలను అనుకున్న సినిమా యూనిట్ చివరకు ఎన్టీఆర్ అయితేనే బాగుంటుందనే నిర్ణయానికి వచ్చినట్లు చెబుతోన్నారు...!!