మహేష్, రాజమౌళి సినిమాలో పృథ్వీరాజ్ తో పాటు మరో స్టార్ హీరో..!?
సూపర్ స్టార్ మహేష్ బాబు గురించి స్పెషల్‌గా చెప్పాల్సిన పనిలేదు. గుంటూరు కారం సినిమా తర్వాత ఆయన నుంచి వచ్చే మూవీ కోసం ఎంతగానో ఎదురుచూస్తున్నారు ఫ్యాన్స్, తెలుగు ఆడియెన్స్. ఇప్పుడు అందరి దృష్టి మహేష్ బాబుతో రాజమౌళి తెరకెక్కించే మూవీపైనే ఉంది. ఎస్ఎస్ఎంబీ 29 సినిమా షూటింగ్ ఎప్పుడు స్టార్ట్ అవుతుంది, అందులో మహేష్ బాబు ఎలా ఉంటారో అనే క్యూరియాసిటీ రోజు రోజుకీ పెరిగిపోతుంది. అయితే మహేష్ బాబు కేవలం హీరో గానే కాకుండా తాజాగా ముఫాసలో తండ్రి సింహం అయిన ముఫాస పాత్రకు మహేష్ బాబు డబ్బింగ్ చెప్పనున్నారు. ఇప్పుడు తెలుగు ఇండస్ట్రీలో ఇదే హాట్
టాపిక్. మహేష్ బాబు వాయిస్ ఓవర్‌తో ఉన్న ముఫాస తెలుగు ట్రైలర్‌ను ఆగస్ట్ 26న ఉదయం 11. 07 గంటలకు విడుదల చేయనున్నట్లు తాజాగా మేకర్స్ తెలిపారు. దీంతో ఆ ట్రైలర్ కోసం అభిమానులు, తెలుగు ఆడియెన్స్ చాలా ఆతృతగా ఎదురుచూస్తున్నారు. ఇక ఈ విషయం కాసేపు పక్కన పెడితే రాజమౌళి మహేష్ బాబు ప్రాజెక్టుకు సంబంధించిన ఏదో ఒక గాసిప్ వినిపిస్తూనే ఉంది. ఇప్పటికే పృథ్వీరాజ్ సుకుమారన్ ఈ ప్రాజెక్టులో భాగం అయినట్టు అంతా చెబుతున్నారు. మరోపక్క విక్రమ్ ని కూడా రాజమౌళి సంప్రదించినట్లు ప్రచారం జరిగింది. విక్రమ్ మాత్రం ఈ విషయం పై స్పందించడానికి ఇష్టపడలేదు.
మరోపక్క పృథ్వీరాజ్ సుకుమారన్ ఆల్మోస్ట్ ఫైనల్ అయిపోయినట్టు టాక్ గట్టిగా వినిపిస్తోంది. అతనితో పాటు మరో మలయాళ స్టార్ హీరో కూడా ఈ ప్రాజెక్టులో భాగమయ్యే అవకాశాలు ఉన్నాయట. అతను మరెవరో కాదు మోహన్ లాల్ . ఆర్ఆర్ఆర్ తరువాత రాజమౌళి తీస్తున్న సినిమా కావడంతో SSMB29పై మహేష్ బాబు హీరోగా నటిస్తున్న ఈ చిత్రంపై అభిమానులు మాత్రమే కాదు.. ప్రపంచం మొత్తం భారీ అంచనాలను పెట్టుకుంది. గుంటూరు కారం సినిమా తరువాత మహేష్.. తన టైమ్ మొత్తాన్ని జక్కన్న చేతిలో పెట్టాడు. ఇప్పటికే ఈ సినిమా స్క్రిప్ట్ పనులు పూర్తయినట్లు తెలుస్తోంది..!!