నాకు ఇష్టమైన హీరో అతనే.. ఫేవరెట్ హీరో విషయంలో బాంబు పేల్చిన రామ్ చరణ్..!
మెగా పవర్ స్టార్ రామ్ చరణ్ గురించి ప్రత్యేక పరిచయం అవసరం లేదు. చరణ్ ఇప్పటివరకు ఎన్నో అద్భుతమైన విజయవంతమైన సినిమాలలో నటించి టాలీవుడ్ ఇండస్ట్రీ లో టాప్ హీరోలలో ఒకరిగా కెరియర్ ను కొనసాగిస్తున్నాడు. ఇకపోతే తాజాగా చరణ్ ఓ ఇంటర్వ్యూ లో పాల్గొన్నాడు. అందులో మీకు ఇష్టమైన హీరో ఎవరు అనే ప్రశ్న రామ్ చరణ్ కు ఎదురయ్యింది. దానితో చాలా మంది రామ్ చరణ్ కుటుంబం లోనే అనేక మంది స్టార్ హీరోలు ఉన్నారు. ఆయన తండ్రి మెగాస్టార్ చిరంజీవి టాలీవుడ్ ఇండస్ట్రీ లోనే నెంబర్ వన్ హీరోగా ఎన్నో సంవత్సరాలు కొనసాగాడు. ప్రస్తుతం కూడా స్టార్ హీరోగా కెరియర్ ను కొనసాగిస్తున్నాడు.
ఇక చరణ్ బాబాయి అయినటువంటి పవర్ స్టార్ పవన్ కళ్యాణ్ కూడా టాలీవుడ్ స్టార్ హీరోలలో ఒకరు. ఇక వరుణ్ తేజ్ , సాయి ధరమ్ తేజ్ , అల్లు అర్జున్ , అల్లు శిరీష్ ఇలా ఎంతో మంది ఆయన కుటుంబంలోని హీరోలు ఉన్నారు. దానితో ఈయన ఆయన కుటుంబంలో హీరో పేరును కానీ లేదా తెలుగు సినిమా పరిశ్రమలో ఎవరైనా స్టార్ హీరో పేరు లేదా ఇతర నటుడి పేరు చెబుతాడు అని చాలా మంది అనుకున్నారు.
కానీ చరణ్ కి మాత్రం వీరందరూ కాకుండా తమిళ స్టార్ హీరో అంటే చాలా ఇష్టం అట. తాజాగా ఆయనకు ఎదురైన ప్రశ్నకు చరణ్ సమాధానం ఇస్తూ ... నాకు సూర్య అంటే చాలా ఇష్టం. అతని నటన అద్భుతంగా ఉంటుంది. అందుకే అతను నా ఫేవరెట్ హీరో అని చెప్పుకొచ్చాడు. ఇలా చరణ్ కి తమిళ నటుడు సూర్య అంటే చాలా ఇష్టం అట. ఇక హీరోయిన్లలో పెద్దగా ఎవరు ఇష్టం లేదు కానీ ఒక వేళ చెప్పాల్సి వస్తే సమంత అంటే ఇష్టం అని చరణ్ తాజాగా చెప్పుకొచ్చాడు.