రజనీకి పోటీగా సూర్య... తట్టుకొని నిలబడగలడా..?
సూపర్ స్టార్ రజినీ కాంత్ పోయిన సంవత్సరం నెల్సన్ దిలీప్ కుమార్ దర్శకత్వంలో రూపొందిన జైలర్ అనే మూవీ లో హీరో గా నటించాడు. ఈ మూవీ మంచి అంచనాల నడుమ విడుదల అయ్యి బ్లాక్ బస్టర్ విజయాన్ని అందుకుంది. ఈ సినిమా ఏకంగా అప్పటి వరకు ఏ తమిళ సినిమా కూడా వసూలు చేయని స్థాయిలో కలెక్షన్లను వసూలు చేసి కోలీవుడ్ ఇండస్ట్రీ హిట్ ను నమోదు చేసింది. ఇక ఈ సినిమా తర్వాత రజనీ కాంత్ తన కూతురు అయినటువంటి ఐశ్వర్య రజనీ కాంత్ దర్శకత్వంలో రూపొందిన లాల్ సలామ్ అనే సినిమాలో ఓ కీలకమైన పాత్రలో నటించాడు.
ఈ మూవీ బాక్స్ ఆఫీస్ దగ్గర బోల్తా కొట్టింది. ప్రస్తుతం రజిని జై భీమ్ మూవీ దర్శకుడు అయినటువంటి టీజే జ్ఞానవేల్ దర్శకత్వంలో రూపొందుతున్న వెట్టాయన్ అనే మూవీ లో హీరో గా నటిస్తున్నాడు. ఈ సినిమా షూటింగ్ ప్రస్తుతం శరవేగంగా జరుగుతుంది. ఈ మూవీ షూటింగ్ మరికొన్ని రోజుల్లోనే పూర్తి కాబోతున్నట్లు తెలుస్తోంది. ఈ సినిమాను ఈ సంవత్సరం అక్టోబర్ 10 వ తేదీన చేసే ఆలోచనలో మూవీ బృందం ఉన్నట్లు కొన్ని రోజులుగా ఓ వార్త వైరల్ అవుతుంది.
ఈ మూవీ ని అక్టోబర్ 10వ తేదీన విడుదల చేయడానికి చిత్ర బృందం సన్నాహాలు చేస్తుంది అని వార్తలు వస్తున్నా సమయం లోనే సూర్య హీరో గా శివ దర్శకత్వంలో రూపొందుతున్న కంగువా మూవీ ని అక్టోబర్ 10 వ తేదీన విడుదల చేయనున్నట్లు మేకర్స్ ప్రకటించారు. ఒక వేళ రజినీ కాంత్ హీరో గా తెరకెక్కుతున్న వెట్టాయన్ మూవీ ని కూడా అక్టోబర్ 10 వ తేదీన విడుదల చేసినట్లు అయితే తమిళ బాక్స్ ఆఫీస్ దగ్గర కంగువా మూవీ కి పెద్ద నష్టం కలిగే అవకాశం ఉంటుంది. మరి ఈ రెండు సినిమాలు ఒకే తేదీన విడుదల అవుతాయా లేక ఈ రెండు మూవీల విడుదల తేదీలు మధ్య గ్యాప్ ఉండేలా చూసుకుంటాయో అనేది చూడాలి.