దిల్ రాజ్ సమయస్పూర్తి పై ప్రశంసలు !
ఈమధ్య కాలంలో ఏసీనిమా పై జరగాని రీతిలో ఈ మూవీ పై సోషల్ మీడియాలో నెగిటివ్ ప్రచారం జరిగింది. ఈ నెగిటివ్ ప్రచారాన్ని తిప్పి కొట్టాలని స్వయంగా దిల్ రాజ్ యాంకర్ గా మారి డీయేటర్లకు వెళ్ళి అక్కడి ప్రేక్షకులను ఇంటర్వ్యూ చేసినప్పటికీ ఈ సినిమా అసలు ఎందుకు ఫెయిల్ అయిందో దిల్ రాజ్ కు కూడ అర్థం కాలేదు అని అంటారు. ఫ్యామిలీ సెంటిమెంట్ సినిమాలకు మినిమం గ్యారెంటీ ఉంటుంది అని భావించే దిల్ రాజ్ నమ్మకాన్ని కూడ ఈ సినిమా నిలబెట్టలేకపోయింది.
అయితే ఈ సినిమా విషయంలో దిల్ రాజ్ వ్యవహరించిన నిజాయితీకి ఇండస్ట్రీలో చాలామంది ప్రశంసలు కురిపిస్తున్నారు. టాప్ హీరోల సినిమాలు ఫ్లాప్ అయినప్పటికీ ఆ సినిమాలు హిట్ అంటూ ఫెక్ కలక్షన్స్ ఫిగర్స్ ప్రచారంలోకి తీసుకు రావడమే కాకుండా ఆసినిమాకు సక్సస్ మీట్ లు పెట్టి చాలామంది చేస్తున్న హడావిడి పై అనేక జోక్స్ వస్తున్నాయి.
అలాంటి పరిస్థితి తనకు ఏర్పడకుండా తన సినిమా అంచనాలకు అనుగుణంగా హిట్ కానప్పటికీ హుందాగా ఈ మూవీ ఫైయిల్యూర్ ను పరోక్షంగా అంగీకరించడం దిల్ రాజ్ నిజాయితీకి నిదర్శనం అంటూ ఇండస్ట్రీలోని కొందరు అతడి పై ప్రశంసలు కురిపిస్తున్నారు. ఈ మూవీ పరిస్థితి ఇలా ఉండటంతో ఈ వరస సెలవులలో సినిమాలకు వెళ్ళాలి అన్న ఆలోచన ఉన్నవారికి ‘టిల్లు స్క్వేర్’ ‘మంజుమ్మల్ బాయ్స్’ సినిమాలకు అదృష్టంగా మారింది..