మెగా ఫ్యాన్స్ కి పండగ లాంటి న్యూస్.. ఒకేసారి ట్రిపుల్ ట్రీట్?
ఇక ఈ సినిమాకు సంబంధించి ఏ చిన్న అప్డేట్ వచ్చినా కూడా అది సోషల్ మీడియాలో వైరల్ గా మారిపోతూ ఉంది. అయితే ఇక ఇప్పుడు బుచ్చిబాబు సనా తో మరో మూవీ మొదలెట్టేసాడు ఈ మెగా హీరో. ఇక ఈ సినిమా ఎలా ఉండబోతుందో అనే అభిమానులు అప్డేట్ కోసం ఎదురు చూస్తూ ఉన్నారు అని చెప్పాలి. అయితే సినిమా హీరోల బర్త్ డే లు వచ్చాయి అంటే చాలు అభిమానులకు పండగే. ఎందుకంటే ఎన్నో రోజుల నుంచి వెయిట్ చూస్తున్న క్రేజీ అప్డేట్లు అటు సినిమా హీరోల బర్త్ డే రోజు ప్రేక్షకుల ముందుకు వచ్చేస్తూ ఉంటాయి. అయితే మరికొన్ని రోజుల్లో అటు రామ్ చరణ్ పుట్టినరోజు. మార్చ్ 27వ తేదీన తన బర్త్ డే ని జరుపుకోబోతున్నాడు ఈ మెగా హీరో.
దీంతో ఇక చరణ్ బర్త్ డే సందర్భంగా ఇలాంటి క్రేజీ అప్డేట్స్ వస్తాయా అని అభిమానులు అందరూ కూడా వేయికళ్లతో ఎదురుచూస్తున్నారు. అయితే చరణ్ బర్త్ డే నాడు ఒకటి కాదురెండు కాదు దాదాపు మూడు ట్రీట్స్ ఉండబోతున్నాయి అన్నది తెలుస్తుంది. ఎందుకంటే ఈనెల 27వ తేదీన చరణ్ పుట్టినరోజు కాగా అదే రోజు గేమ్ చేంజర్ మూవీ నుంచి రిలీజ్ డేట్ విడుదలయ్యే ఛాన్స్ ఉంది. అలాగే బుచ్చిబాబు సనా, చరణ్ కాంబినేషన్లో తెరకెక్కుతున్న సినిమాకు సంబంధించి ఫస్ట్ పోస్టర్ రానుంది. అదే సమయంలో ఇక చరణ్ రెండోసారి సుకుమార్ తో పని చేయబోతున్నాడు. ఇందుకు సంబంధించిన అఫీషియల్ ప్రకటన వచ్చే అవకాశం ఉంది అన్నది తెలుస్తుంది.