22 മുതൽ പുതിയ മലയാള സിനിമകൾ റിലീസ് ചെയ്യില്ലെന്ന് ഫിയോക്!
22 മുതൽ പുതിയ മലയാള സിനിമകൾ റിലീസ് ചെയ്യില്ലെന്ന് ഫിയോക്! തിയറ്ററുകളിൽ റിലീസ് ചെയ്യുന്ന മലയാള ചിത്രങ്ങൾ ധാരണ ലംഘിച്ച് നിർമാതാക്കൾ ഒടിടിക്ക് നൽകുന്നതിലും 42 ദിവസത്തിന് ശേഷമേ ചിത്രങ്ങൾ ഒടിടിയിൽ നൽകുകയുള്ളൂവെന്ന ധാരണ പലരും തെറ്റിച്ചെന്നും തുടങ്ങിയ കാരണങ്ങളിൽ പ്രതിഷേധിച്ചാണ് റിലീസ് നിർത്തിവെയ്ക്കുന്നതെന്ന് അസോസിയേഷൻ ഭാരവാഹികൾ വ്യക്തമാക്കി. പുതിയ മലയാള സിനിമകളുടെ തിയറ്റർ റിലീസ് നിർത്തിവെയ്ക്കുമെന്ന് തിയറ്റർ ഉടമകളുടെ സംഘടനയായ ഫിയോക്. വ്യാഴാഴ്ച (ഫെബ്രുവരി 22) മുതൽ സിനിമ റിലീസ് ചെയ്യില്ലെന്ന് ഫിയോക് വ്യക്തമാക്കി. നിലവിൽ പ്രേമലു, അന്വേഷിപ്പിൻ കണ്ടെത്തും, ഭ്രമയുഗം പോലുള്ള സിനിമകളുടെ പ്രദർശനം തിയറ്ററിൽ മികച്ച രീതിയിൽ അഭിപ്രായം നേടി തുടരുകയാണ്.
ഈ സിനിമകൾ വലിയ കളക്ഷൻ നേടുന്നവയുമാണ്. ഈ സമയത്താണ് കടുത്ത ആരോപണങ്ങൾ ഉന്നയിച്ച് കൊണ്ട് ഫിയോക് പുതിയ സിനിമകൾ റിലീസ് ചെയ്യിപ്പിക്കില്ലെന്ന കടുത്ത തീരുമാനം എടുത്തിരിക്കുന്നത്. അതേസമയം, മലയാളം സിനിമകൾക്ക് മാത്രമാണ് ഈ വിലക്കുണ്ടായിരിക്കുക. അന്യഭാഷ ചിത്രങ്ങൾ അടക്കം കേരളത്തിൽ റിലീസ് ചെയ്യുന്നതിന് തടസങ്ങൾ ഉണ്ടാകുകയില്ല. മഞ്ഞുമ്മൽ ബോയ്സ് 22ന് റിലീസ് ചെയ്യാനിരിക്കുന്ന സിനിമയാണ്. മാത്രമല്ല, ഫെബ്രുവരി 22 മുതൽ വലിയ മലയാള ചിത്രങ്ങൾ റിലീസിന് തയ്യാറെടുത്തിരിക്കുന്നതിനിടയിലാണ് ഫിയോകിൻറെ തീരുമാനം.റിലീസ് സമയത്തെ നിർമാതാക്കളുടെ തിയറ്റർ വിഹിതം 60 ശതമാനത്തിൽ നിന്ന് 55 ശതമാനമായി കുറയ്ക്കണമെന്നും സംഘടന ആവശ്യപ്പെട്ടു.
സിംഗിൾ സ്ക്രീൻ തിയറ്ററുകളെ ഒതുക്കി മൾട്ടിപ്ലക്സുകളെ നിർമാതാക്കൾ സഹായിക്കുന്നെന്നും ബുധനാഴ്ചയ്ക്കുള്ളിൽ ഈ വിഷയങ്ങളിൽ പരിഹാരം കണ്ടില്ലെങ്കിൽ പുതിയ മലയാള ചിത്രങ്ങൾ റിലീസ് ചെയ്യില്ലെന്ന് ഫിയോക് അറിയിച്ചു. നിലവിൽ തിയറ്ററുകളിലുള്ള സിനിമകളുടെ പ്രദർശനം തുടരും. റിലീസ് നിർത്തിവെയ്ക്കുമെന്ന് അറിയിച്ചിട്ടില്ലെന്ന് ഫിലിം ചേമ്പർ വ്യക്തമാക്കി.പുതിയ മലയാള സിനിമകളുടെ തിയറ്റർ റിലീസ് നിർത്തിവെയ്ക്കുമെന്ന് തിയറ്റർ ഉടമകളുടെ സംഘടനയായ ഫിയോക്. വ്യാഴാഴ്ച (ഫെബ്രുവരി 22) മുതൽ സിനിമ റിലീസ് ചെയ്യില്ലെന്ന് ഫിയോക് വ്യക്തമാക്കി. തിയറ്ററുകളിൽ റിലീസ് ചെയ്യുന്ന മലയാള ചിത്രങ്ങൾ ധാരണ ലംഘിച്ച് നിർമാതാക്കൾ ഒടിടിക്ക് നൽകുന്നതിലും 42 ദിവസത്തിന് ശേഷമേ ചിത്രങ്ങൾ ഒടിടിയിൽ നൽകുകയുള്ളൂവെന്ന ധാരണ പലരും തെറ്റിച്ചെന്നും തുടങ്ങിയ കാരണങ്ങളിൽ പ്രതിഷേധിച്ചാണ് റിലീസ് നിർത്തിവെയ്ക്കുന്നതെന്ന് അസോസിയേഷൻ ഭാരവാഹികൾ വ്യക്തമാക്കി.