ఆర్సి16 లో శివరాజ్ కుమార్ చేయబోయే పాత్రకోసం మొదటగా అనుకున్న నటుడు ఎవరో తెలుసా..?
మెగా పవర్ స్టార్ రామ్ చరణ్ ప్రస్తుతం గేమ్ చెంజర్ అనే సినిమాలో హీరో గా నటిస్తున్న విషయం మన అందరికీ తెలిసిందే. ఈ మూవీ కి శంకర్ దర్శకత్వం వహిస్తూ ఉండగా ... శ్రీ వెంకటేశ్వర క్రియేషన్స్ బ్యానర్ పై దిల్ రాజు ఈ మూవీ ని నిర్మిస్తున్నాడు. ఈ సినిమాలో కియార అద్వానీ హీరోయిన్ గా నటిస్తూ ఉండగా ... అంజలి , సునీల్ , శ్రీకాంత్ ఈ మూవీ లో ముఖ్య పాత్రలలో కనిపించబోతున్నారు. తమన్ సంగీతం అందిస్తున్న ఈ మూవీ లో ఎస్ జె సూర్య విలన్ పాత్రలో కనిపించబోతున్నాడు. ఇకపోతే ఈ మూవీ షూటింగ్ ఎప్పటికే చివరి దశకు చేరుకుంది.
ఈ సినిమా షూటింగ్ పూర్తి కాగానే చరణ్ , బుచ్చిబాబు సన దర్శకత్వంలో రూపొందబోయే సినిమాలో హీరో గా నటించబోతున్నాడు. ఈ మూవీ చరణ్ కెరియర్ లో 16 వ మూవీ గా రూపొందనున్న నేపథ్యంలో ఈ మూవీ కి మూవీ మేకర్స్ ఇప్పటి వరకు టైటిల్ ను ఫిక్స్ చేయకపోవడంతో ఈ సినిమా యొక్క పనులను "ఆర్ సి 16" అనే వర్కింగ్ టైటిల్ తో ఈ మూవీ బృందం పూర్తి చేస్తూ వస్తాది. ఇకపోతే ఈ సినిమాలో ఓ కీలకమైన పాత్రలో శివరాజ్ కుమార్ నటించబోతున్న విషయం మన అందరికీ తెలిసిందే. ఇప్పటికే ఇందుకు సంబంధించిన అధికారిక ప్రకటన కూడా విలువడింది.
ఇకపోతే మొదట ఈ మూవీ బృందం ఈ సినిమాలో శివరాజ్ కుమార్ పాత్ర కోసం తమిళ క్రేజీ నటుడు విజయ్ సేతుపతి ని అనుకున్నట్లు ... అందులో భాగంగా ఈయనను సంప్రదించి కథను కూడా వివరించినట్లు ... ఆయనకు కూడా తన పాత్ర అద్భుతంగా నచ్చినప్పటికీ ఆ సమయంలో ఆయన ఇతర సినిమాలతో బిజీగా ఉండే అవకాశం ఉండడంతో ఈ సినిమా చేయలేను అని చెప్పడంతో ఆ తర్వాత ఈ మూవీ బృందం వారు శివరాజ్ కుమార్ ను సంప్రదించినట్లు ఓ వార్త వైరల్ అవుతుంది.