తండ్రి అయిన చిరంజీవి మూవీ దర్శకుడు..!
తెలుగు లో మంచి గుర్తింపు కలిగిన దర్శకులలో మల్లాడి వశిష్ట ఒకరు. ఈయన కొంత కాలం క్రితం నందమూరి కళ్యాణ్ రామ్ హీరో గా రూపొందిన బింబిసారా అనే సినిమాకు దర్శకత్వం వహించాడు. ఈ మూవీ బాక్స్ ఆఫీస్ దగ్గర సూపర్ సక్సెస్ ను అందుకుంది. అలాగే ఈ మూవీ ని తెరకెక్కించిన విధానానికి గాను ఈ దర్శకుడికి ప్రేక్షకుల నుండి ... విమర్శకుల నుండి అద్భుతమైన ప్రశంసలు లభించాయి. ఇకపోతే బింబిసారా మూవీ విజయంతో తెలుగు లో సూపర్ క్రేజ్ ను సంపాదించుకున్న ఈ దర్శకుడు ప్రస్తుతం మెగాస్టార్ చిరంజీవి హీరోగా త్రిష హీరోయిన్ గా విశ్వంభర అనే ఓ భారీ బడ్జెట్ సినిమాను రూపొందిస్తున్నాడు.
ఈ మూవీ నుండి చిత్ర బృందం ఇప్పటికే కొన్ని ప్రచార చిత్రాలను విడుదల చేయగా వాటికి అద్భుతమైన రెస్పాన్స్ జనాల నుండి లభించింది. ఇకపోతే ఈ సినిమాను కొన్ని రోజుల క్రితమే వచ్చే సంవత్సరం సంక్రాంతి పండుగ సందర్భంగా జనవరి 10 వ తేదీన విడుదల చేయనున్నట్లు ఈ మూవీ బృందం అధికారికంగా ప్రకటించింది. ఇకపోతే తాజాగా మల్లాడి వశిష్ట కు సంబంధించిన ఓ క్రేజీ న్యూస్ బయటకు వచ్చింది.
అసలు విషయం లోకి వెళితే ... మల్లాడి వశిష్ట తాజాగా తండ్రి అయ్యాడు. ఈమె భార్య అయినటువంటి సుజాత తాజాగా ఓ పండంటి ఆడ బిడ్డకు జన్మను ఇచ్చింది. దీనితో వశిష్ట మరియు సుజాత దంపతులు ఓ ఆడ పిల్ల కు తల్లిదండ్రులు అయ్యారు. ఇది ఇలా ఉంటే మెగాస్టార్ తో వశిష్ట రూపొందిస్తున్న విశ్వంభర మూవీ పై మెగా అభిమానులతో పాటు మామూలు తెలుగు సినీ ప్రేమికుల కూడా భారీ అంచనాలు పెట్టుకున్నారు. ప్రస్తుతం ఈ మూవీ షూటింగ్ ఫుల్ స్పీడ్ లో జరుగుతుంది. ఈ మూవీ కి ఎం ఎం కీరవాణి సంగీతం అందిస్తున్నాడు.