ఈ సంక్రాంతికి ఏ సినిమా టాప్ లో ఉంది?
తెలుగు సినిమాకి ఈ మధ్యకాలంలో విశేషమైన ఆదరణ లభిస్తోంది. మొదటి వారంలో భారీ వసూళ్లు అందుకున్న మూవీస్ చాలా ఉన్నాయి. ముఖ్యంగా స్టార్ హీరోల సినిమాలకి మంచి మార్కెట్ ఉంది.అందుకే భారీ ఎత్తున స్క్రీన్స్ లో వారి సినిమాలని విడుదల చేస్తూ ఉంటారు. ఓవర్సీస్ లో ప్రీమియర్స్ నుంచి ఇండియన్ బాక్సాఫీస్ దగ్గర థియేటర్స్ దాకా వేలల్లో ఉంటాయి.ఈ సంవత్సరం సంక్రాంతి రేసులో కేవలం సౌత్ నుంచి ఏడు సినిమాలు రిలీజ్ అయ్యాయి. అందులో తెలుగు నుంచి నాలుగు సినిమాలు ఉంటే తమిళం నుంచి మూడు సినిమాలు ఉన్నాయి. అయితే వీటిలో ఏ సినిమాకి ఆ సినిమా చాలా ప్రత్యేకమైంది కావడం విశేషం. దీంతో ఈ మూవీస్ లో కొన్నింటికి ప్రేక్షకుల నుంచి మంచి ఆదరణ లభించింది. సంక్రాంతికి రిలీజ్ అయిన సినిమాలలో కలెక్షన్స్ పరంగా గుంటూరు కారం సినిమా టాప్ లో ఉంది.
ఈ మూవీ ఇప్పటి వరకు ఏకంగా 206 కోట్ల కలెక్షన్స్ సొంతం చేసుకుంది. ఆ తర్వాత సెకండ్ నెంబర్ గా హనుమాన్ సినిమా నిలిచింది. ఈ సినిమా 116 కోట్ల గ్రాస్ ని ఇప్పటి వరకు వసూళ్లు చేసింది. ఇంకా హౌస్ ఫుల్ కలెక్షన్స్ తో బాగా నడుస్తోంది. సినిమా బాగుండటంతో ఆడియన్స్ నుంచి ఈ సినిమాకి మంచి రెస్పాన్స్ వస్తోంది. ఓవర్ సీస్ లో కూడా 3 మిలియన్ పైగా వసూలు చేసింది. ఇక దీని తర్వాత కలెక్షన్స్ పరంగా కెప్టెన్ మిల్లర్ సినిమా ఉంది. ఈ మూవీ ఇప్పటి దాకా 56 కోట్ల గ్రాస్ కలెక్ట్ చేసింది.మూవీ బడ్జెట్ తో పోల్చుకుంటే ఈ వసూళ్లు చాలా తక్కువ అని చెప్పాలి. అయితే నెమ్మదిగా ఈ సినిమా ఆడియన్స్ కి రీచ్ అవుతుంది. తెలుగులో రిలీజ్ కాకపోవడం కూడా ఈ సినిమా కలెక్షన్స్ తక్కువగా ఉండటం ఒక కారణం. ఇక శివ కార్తికేయన్ అయలాన్ సినిమాని ఏకంగా వంద కోట్లతో నిర్మించారు. అయితే ఇప్పటి దాకా ఈ మూవీకి 47.7 కోట్లు మాత్రమే వసూళ్లు వచ్చాయి. సీనియర్ హీరో నాగార్జున నా సామి రంగా మూవీ 20.5 కోట్ల కలెక్షన్స్ ని అందుకున్నాయి.
ఇక విజయ్ సేతుపతి మేరీ క్రిస్మస్ 18 కోట్ల మేరకు కలెక్ట్ చేసింది.అలాగే విక్టరీ వెంకటేష్ సైంధవ్ 14.6 కోట్లు కలెక్ట్ చేసి ఈ సంవత్సరం టాలీవుడ్ నుంచి బిగ్గెస్ట్ డిజాస్టర్ మూవీగా నిలవబోతోంది. ఓవరాల్ గా చూసుకుంటే సంక్రాంతి హిట్ మూవీస్ గా హనుమాన్, గుంటూరు కారం, నా సామి రంగా సినిమాలు నిలిస్తే కెప్టెన్ మిల్లర్, అయలాన్ మాత్రం యావరేజ్ స్థాయిలో ఉన్నాయి. మేరీ క్రిస్మస్, సైంధవ్ మాత్రం డిజాస్టర్ జాబితాలోకి వెళ్ళేలా ఉన్నాయి.