అన్ని వర్గాల ప్రేక్షకుల్ని ఆకట్టుకునేలా ఉంటుంది.. ‘అథర్వ’ డైరెక్టర్ మహేష్ రెడ్డి
‘అథర్వ’ కథ ఎలా పుట్టింది అనే ప్రశ్నకు బదులిస్తూ... క్లూస్ టీం హెడ్ వెంకన్న గారి ఇంటర్వ్యూని చూశాను. మామూలుగా ఓ క్రైమ్ జరిగినప్పుడు క్లూస్ టీం చేసే పనే అధికంగా ఉంటుంది. వారు సేకరించేవే కోర్టులో సాక్ష్యాలుగా నిలబడతాయి. క్రైమ్ కేసుని 70 శాతం వరకు క్లూస్ టీం పరిష్కరిస్తుంటుంది. అలా క్లూస్ టీం గురించి ఇంత వరకు ఎవ్వరూ చెప్పలేదు.. వాళ్ల గురించి చెప్పాలని ఈ కథ రాసుకున్నాను. ఈ మూవీ ర్ గురించి మాట్లాడుతూ.. అథర్వ క్రైమ్ సస్పెన్స్ థ్రిల్లర్ జానర్లో ఉంటుంది. మర్డర్, రాబరీ సీన్లతో సినిమాను అల్లుకున్నాను. చాలా వరకు రియలిస్టిక్గా ఉంటుంది. యదార్థ సంఘటనలను కూడా ఇందులో వాడకున్నాం. కాకపోతే సినిమా కోసం కాస్త ఫిక్షన్ కూడా యాడ్ చేశాను. సెకండ్ హాఫ్లో ప్రతీ పది నిమిషాలకు ఓ ట్విస్ట్ ఉంటుంది. ప్రీ క్లైమాక్స్, క్లైమాక్స్ను ఎవ్వరూ ఊహించరు. ఆ సీన్లకు ప్రేక్షుడికి ఫుల్ హై వస్తుంది.
హవా తర్వాత అథర్వ ఇంత ఆలస్యంగా తీయడానికి కారణాన్ని వెల్లడిస్తూ.. ‘హవా’ని సినిమాగా ప్లాన్ చేయలేదు. నేను, చైతన్య రావు కలిసి ఏదో ఒకటి చేయాలని, ఇండస్ట్రీలోకి రావాలంటే ఓ కార్డ్లా ఉండాలని, ఓ ప్రయోగం చేశాం. అదే హవా. అది షార్ట్ ఫిల్మ్గా అనుకున్నాం. చివరకు అదే సినిమాలా మారింది. మంచి చిత్రాన్ని తీయాలనే ఇంత గ్యాప్ తీసుకున్నా. హీరోయిన్ పాత్ర గురించి చెబుతూ.. క్లూస్ టీంలో హీరో పని చేస్తుంటాడు. హీరోయిన్ క్రైమ్ రిపోర్టర్. కథలో భాగంగానే రెండు పాత్రలుంటాయి. కథకు తగ్గట్టే ఉంటాయి. కావాలని హీరో హీరోయిన్ ట్రాక్ పెట్టలేదు.‘అథర్వ’ ఎలా ఉండబోతోందని అడిగితే..సీటు అంచున కూర్చోబెట్టేలా ఎంతో గ్రిప్పింగ్గా సినిమా ఉంటుంది. సస్పెన్స్ థ్రిల్లర్ను ఇష్టపడే ప్రేక్షకులే కాకుండా ఈ సినిమా అన్ని వర్గాల ప్రేక్షకుల్ని ఆకట్టుకుంటుంది. అన్ని కమర్షియల్ అంశాలతో తెరకెక్కించిన చిత్రమిది" అంటూ చెప్పుకొచ్చారు డైరెక్టర్ మహేష్ రెడ్డి.