తాజాగా "పుష్ప 2 "సాంగ్ షూటింగ్ స్టార్ట్... కొరియోగ్రాఫర్ ఎవరో తెలుసా..?
ఐకాన్ స్టార్ అల్లు అర్జున్ హీరోగా నేషనల్ క్రష్ రష్మిక మందన హీరోయిన్ గా సుకుమార్ దర్శకత్వంలో రూపొందిన పుష్ప పార్ట్ 1 మూవీ ఏ స్థాయి విజయాన్ని అందుకుందో మన అందరికీ తెలిసిందే. ఈ మూవీ కి రాక్ స్టార్ దేవి శ్రీ ప్రసాద్ సంగీతం అందించగా ... మైత్రి సంస్థ వారు ఈ సినిమాని నిర్మించారు. సమంత ఈ సినిమాలో ఓ స్పెషల్ సాంగ్ లో నటించగా ... అనసూయ , సునీల్ , రావు రమేష్ ఈ మూవీ లో ముఖ్య పాత్రలలో నటించారు. ఇకపోతే ఈ మూవీ లో పహద్ ఫాజిల్ విలన్ పాత్రలో నటించాడు. ఈ మూవీ మొదటి భాగం అద్భుతమైన విజయం సాధించడంతో ఈ మూవీ రెండవ భాగంపై ప్రేక్షకుల్లో భారీ అంచనాలు ఉన్నాయి.
ప్రస్తుతం ఈ సినిమా రెండవ భాగం షూటింగ్ ఫుల్ స్పీడ్ గా జరుగుతుంది. ఈ మూవీ యొక్క రెండవ భాగాన్ని వచ్చే సంవత్సరం ఆగస్టు 15 వ తేదీన విడుదల చేయనున్నట్లు ఈ మూవీ బృందం వారు ఇప్పటికే అధికారికంగా ప్రకటించారు. ఇది ఇలా ఉంటే తాజాగా ఈ మూవీ షూటింగ్ కు సంబంధించిన ఓ క్రేజీ న్యూస్ బయటకు వచ్చింది. అసలు విషయం లోకి వెళితే ... నిన్నటి నుండి ఈ మూవీ యొక్క సాంగ్ షూటింగ్ ను ఈ చిత్ర బృందం మొదలు పెట్టినట్లు తెలుస్తోంది. ఈ సాంగ్ కి గణేష్ ఆచార్య మాస్టర్ కొరియో గ్రాఫర్ గా వ్యవహరిస్తున్నాడు.
ఇకపోతే ప్రస్తుతం చిత్రీకరణ జరుపుకుంటున్న ఈ సాంగ్ కి దేవి శ్రీ ప్రసాద్ అదిరిపోయే రేంజ్ ట్యూన్ ఇచ్చినట్లు తెలుస్తోంది. ఇకపోతే ఈ సాంగ్ లో దాదాపు 400 మందికి పైగా జూనియర్ మరియు వంద మంది కి పైగా సీనియర్ డాన్సర్స్ పాల్గొంటున్నట్లు తెలుస్తోంది. ఇకపోతే ఈ సాంగ్ ను అదిరిపోయే రేంజ్ లో చిత్ర బృందం రూపొందిస్తున్నట్లు తెలుస్తోంది. ఈ సాంగ్ సినిమాలో హైలెట్ గా ఉండబోతున్నట్లు సమాచారం.