సూపర్ స్టార్ కి విలన్ గా చేయబోతున్న స్టార్ హీరో...!!
సూపర్ స్టార్ రజనీకాంత్ రీసెంట్ గా జైలర్ సినిమాతో బిగ్గెస్ట్ బ్లాక్ బస్టర్ హిట్ అందుకున్నారు..అప్పటివరకు ప్లాప్స్ తో ఇబ్బందిపడుతున్న తలైవా జైలర్ సినిమాతో అదిరిపోయే కమ్ బ్యాక్ ఇచ్చారు.ప్రస్తుతం సూపర్‌స్టార్ రజినీకాంత్‌ సినిమాలను లైన్‌ లో పెడుతున్నారు.ఇప్పటికే తలైవా 170 సినిమా తో రజినీ బిజీగా ఉన్న విషయం తెలిసిందే. జై భీమ్‌ ఫేం టీజే జ్ఞానవేళ్‌ దర్శకత్వం వహిస్తున్న ఈ మూవీ ప్రస్తుతం షూటింగ్ దశలో ఉంది.ఇదిలా ఉంటే మరోవైపు కోలీవుడ్ స్టార్ డైరెక్టర్ లోకేశ్‌ కనగరాజ్ దర్శకత్వంలో తలైవా 171 సినిమాకు కూడా గ్రీన్ సిగ్నల్ ఇచ్చేశారు రజినీకాంత్‌. ఖైదీ, విక్రమ్‌, లియో వంటి బ్లాక్ బస్టర్ చిత్రాలను ఇండస్ట్రీ కి అందించిన లోకేశ్‌ కనగరాజ్-రజినీకాంత్‌ కాంబోలో రాబోతున్న ఈ సినిమా ఎలా ఉండబోతుందోనని అభిమానులు అంతా కూడా ఎంతో ఎక్జయిటింగ్‌ గా చర్చించుకుంటున్నారు.
ఇదిలా ఉంటే.. ఈ మూవీ నుంచి ఒక సాలిడ్ న్యూస్ బయటకు వచ్చింది.ఈ సినిమాలో తలైవా రజినీని ఢీ కొట్టే విలన్ గురించి ఓ వార్త సోషల్ మీడియాలో తెగ వైరల్ అవుతుంది.... తలైవర్ 171 లో విలన్‌గా కోలీవుడ్ స్టార్ హీరో రాఘవా లారెన్స్‌ నటిస్తున్నాడని సమాచారం. అయితే ఇప్పటి వరకు చిత్ర యూనిట్ ఈ న్యూస్‌పై అధికారికంగా స్పందించలేదు.. త్వరలోనే మూవీ టీం నుంచి అఫీషియల్ అనౌన్స్‌మెంట్ వచ్చే అవకాశం ఉన్నట్లు తెలుస్తుంది.ఈ చిత్రాన్ని టాప్ ప్రొడక్షన్‌ హౌజ్‌ లైకా ప్రొడక్షన్స్ తెరకెక్కిస్తోండగా యంగ్ మ్యూజిక్ సెన్సేషన్ అనిరుధ్‌ రవిచందర్‌ సంగీతం అందిస్తున్నాడు. రజినీకాంత్‌ మరోవైపు ఐశ్వర్య రజినీకాంత్‌ డైరెక్షన్‌లో లాల్‌ సలామ్‌ అనే సినిమా లో నటిస్తున్నాడు. షూటింగ్ పూర్తి చేసుకున్న ఈ చిత్రం 2024 పొంగళ్‌ కానుకగా థియేటర్లలో గ్రాండ్ గా విడుదల కానుంది..మరి వరుస సినిమాలతో దూసుకుపోతున్న తలైవా తన తరువాత సినిమాలతో ఎలాంటి రికార్డ్స్ క్రియేట్ చేస్తాడో చూడాలి.