ఆ కారణంతో బ్లాక్ బస్టర్ డైరెక్టర్ సినిమానే పక్కన పెట్టేసిన బాలయ్య..?
నందమూరి నటసింహం బాలకృష్ణ ప్రస్తుతం డాకు మహారాజ్ అనే సినిమాలో హీరోగా నటిస్తున్న విషయం మనకు తెలిసిందే. బాబి కొల్లి ఈ సినిమాకు దర్శకత్వం వహిస్తున్నాడు. ఈ సినిమాను వచ్చే సంవత్సరం సంక్రాంతి పండుగ సందర్భంగా జనవరి 12 వ తేదీన విడుదల చేయనున్నారు. ప్రస్తుతం ఈ మూవీ పై ప్రేక్షకుల్లో భారీ అంచనాలు ఉన్నాయి. బాలకృష్ణ కి కెరియర్లో అద్భుతమైన విజయాలను అందించిన దర్శకులలో బి గోపాల్ ఒకరు. మొదటగా వీరి కాంబో లో లారీ డ్రైవర్ అనే సినిమా వచ్చి మంచి విజయాన్ని అందుకుంది. ఆ తర్వాత రౌడీ ఇన్స్పెక్టర్ సినిమా వచ్చి బ్లాక్ బస్టర్ విజయాన్ని సొంతం చేసుకుంది.
ఆ తర్వాత వచ్చిన సమరసింహారెడ్డి , నరసింహ నాయుడు సినిమాలు వరుసగా ఇండస్ట్రీ హిట్లుగా నిలిచాయి. ఆ తర్వాత వీరి కాంబోలో పలనాటి బ్రహ్మనాయుడు అనే మూవీ వచ్చి ఫ్లాప్ అయ్యింది. ఇలా వీరి కాంబోలో రూపొందిన ఐదు సినిమాలలో రెండు మూవీలు బ్లాక్ బస్టర్ విజయాలను అందుకోగా , మరో రెండు సినిమాలు ఇండస్ట్రీ హిట్లుగా నిలిచాయి. వీరి కాంబోలో వచ్చిన సినిమాలలో ఒకే ఒక సినిమా ఫ్లాప్ గా నిలిచింది. ఇకపోతే వీరి కాంబోలో ఆరవ సినిమాగా హర హర మహదేవ్ అనే సినిమా లాంచింగ్ అయ్యింది. దానితో వీరి కాంబోలో ఆరవ మూవీ రావడం ఖాయం అని అంతా ఫిక్స్ అయ్యారు. ఆఖరి నిమిషంలో ఈ సినిమా ఎందుకో క్యాన్సల్ అయింది.
తాజాగా బి గోపాల్ ఓ ఇంటర్వ్యూలో భాగంగా మాట్లాడుతూ ... బాలకృష్ణతో హర హర మహదేవ్ అనే టైటిల్ తో ఓ మూవీని లాంచ్ చేసాం. కానీ ఆ మూవీ లాంచింగ్ సమయానికి మా దగ్గర స్టోరీ లేదు. ఆ తర్వాత స్టోరీ సెట్ చేద్దాం అనుకున్నాం. కానీ అది కుదరలేదు. దానితో మంచి స్టోరీ సెట్ కాకపోవడంతో ఆ సినిమాను అపివేశం అని ఆయన చెప్పుకొచ్చాడు.