చిరంజీవి... కళ్యాణ్ కృష్ణ కాంబో మూవీకి మ్యూజిక్ డైరెక్టర్ ఎవరో తెలుసా..?
మెగాస్టార్ చిరంజీవి ప్రస్తుతం మెహర్ రమేష్ దర్శకత్వంలో రూపొందుతున్న భోళా శంకర్ అనే సినిమాలో హీరోగా నటిస్తున్న విషయం మనకు తెలిసిందే. ఈ మూవీ లో మిల్కీ బ్యూటీ తమన్నా హీరోయిన్ గా నటిస్తూ ఉండగా ... కీర్తి సురేష్ ఈ సినిమాలో చిరంజీవి కి చెల్లెలు పాత్రలో నటిస్తోంది. సుశాంత్ ఈ మూవీ లో ఒక కీలక పాత్రలో కనిపించబోతున్నాడు. మహతి స్వర సాగర్ ఈ సినిమాకు సంగీతం అందిస్తూ ఉండగా ... ఏకే ఎంటర్టైన్మెంట్ బ్యానర్ పై ప్రముఖ నిర్మాత అనిల్ సుంకర ఈ సినిమాను భారీ బడ్జెట్ తో నిర్మిస్తున్నాడు. ఈ మూవీ ని ఈ సంవత్సరం ఆగస్టు 11 వ తేదీన విడుదల చేయనున్నారు.
ఇది ఇలా ఉంటే ఇప్పటికే ఈ మూవీ షూటింగ్ చివరి దశకు చేరినట్లు తెలుస్తోంది. మరి కొన్ని రోజుల్లోనే ఈ మూవీ మొత్తం షూటింగ్ పూర్తి కాబోతున్నట్టు సమాచారం. ఈ మూవీ షూటింగ్ చివరి దశకు చేరుకున్న నేపథ్యంలో చిరంజీవి తన తదుపరి మూవీ పై ఫుల్ ఫోకస్ పెట్టినట్లు తెలుస్తోంది. అందులో భాగంగా ఇప్పటికే చిరంజీవి ... కళ్యాణ్ కృష్ణ దర్శకత్వంలో రూపొందబోయే మూవీ లో నటించడానికి గ్రీన్ సిగ్నల్ ఇచ్చినట్లు తెలుస్తోంది. ఇది ఇలా ఉంటే ఈ మూవీ లో చిరంజీవి సరసన త్రిష ను హీరోయిన్ గా తీసుకునే ఆలోచనలో ఈ మూవీ బృందం ఉన్నట్లు ... అందులో భాగంగా ఈ ముద్దు గుమ్మతో ప్రస్తుతం ఈ మూవీ మేకర్స్ సంప్రదింపులను జరుపుతున్నట్లు తెలుస్తోంది.
ఇకపోతే ప్రస్తుతం ఈ మూవీ బృందం ఈ సినిమాకు మ్యూజిక్ డైరెక్టర్ ను కూడా ఫైనల్ చేసే పనుల్లో ఫుల్ బిజీగా ఉన్నట్లు తెలుస్తోంది. ప్రస్తుతం అందుతున్న సమాచారం ప్రకారం ఈ మూవీ కి రాక్ స్టార్ దేవి శ్రీ ప్రసాద్ ను సంగీత దర్శకుడుగా ఫైనల్ చేసే ఆలోచనలో ఈ మూవీ బృందం ఉన్నట్లు తెలుస్తుంది. ఇది ఇలా ఉంటే ఇప్పటికే చిరంజీవి హీరోగా రూపొందిన ఎన్నో సినిమాలకు దేవి శ్రీ ప్రసాద్ సంగీతం అందించాడు.