Suriya 42: హిట్ టాక్ వస్తే.. రికార్డులే?
ప్రతి సినిమాకి కూడా డిఫరెంట్ కథలను ఎంచుకుంటూ ప్రత్యేకత చాటుకుంటుంటాడు సూర్య. సూర్య తమిళ హీరో అయినా టాలీవుడ్లో కూడా ఆయనకి భారీగా అభిమానులు ఉన్నారు.తాజాగా 'ఆకాశం నీ హద్దురా' సినిమాతో నేషనల్ లెవెల్ లో గుర్తింపు తెచ్చుకున్నాడు. ప్రస్తుతం ఈ స్టార్ హీరో మాస్ డైరెక్టర్ శివ దర్శకత్వంలో ఓ పీరియాడికల్ యాక్షన్ ఎంటర్టైనర్ చేస్తున్న విషయం తెలిసిందే. ఇంకా పేరు కూడా కన్ఫర్మ్ కాని ఈ సినిమా 'Suriya 42'గా ప్రచారంలో ఉంది. ఈ సినిమాకు సంబంధించిన ఓ వార్త ప్రస్తుతం వైరల్ గా మారింది. ఈ సినిమా శాటిలైట్ రైట్స్ కూడా భారీ మొత్తానికి అమ్ముడుపోయాయి.ఇక ఈ సినిమా డిజిటల్ ఇంకా శాటిలైట్తో పాటు హిందీ రైట్స్ ఏకంగా రూ.100కోట్లకు అమ్ముడుపోయాయనే వార్త కోలీవుడ్లో తెగ వైరల్ అవుతుంది. సినిమా షూటింగ్ పూర్తికాక ముందే రైట్స్ ఈ స్థాయిలో అమ్ముడుకావడం వైరల్ గా మారింది.ఇది పూర్తిగా సూర్య కి వున్న క్రేజ్ అనే చెప్పాలి.
ఇక ఈ సినిమాలో సూర్య సరసన దిశా పటానీ హీరోయిన్ గా నటిస్తోంది. ఇప్పటి దాకా 60 శాతం షూటింగ్ పూర్తిచేసుకున్న ఈ సినిమా మిగతా షూటింగ్ త్వరలోనే ప్రారంభం కానుంది. ఈమధ్యే గోవాలో కొన్ని మెయిన్ సీన్స్ ని చిత్రీకరించారు. ఈ సినిమా రెండు భాగాలుగా ప్రేక్షకులను అలరించనుంది. ఏకంగా పది భాషల్లో త్రీడీ ఫార్మాట్లో విడుదల చేయడానికి ప్లాన్ చేస్తున్నారు. దేవి శ్రీ ప్రసాద్ సంగీతం అందిస్తోన్న ఈ సినిమాను వంశీ, ప్రమోద్ నిర్మాతలుగా స్టూడియో గ్రీన్ ఇంకా యు.వి క్రియేషన్స్ సంస్థలు సంయుక్తంగా నిర్మిస్తున్నాయి.మరి చూడాలి ఈ సినిమా ఎంత పెద్ద విజయం సాధిస్తుందో ఇంకా ఎన్ని రికార్డులు బద్ధలు కొడుతుందో..వరుస హిట్లతో దూసుకుపోతున్న సూర్య ఈ సినిమాతో కూడా ఖచ్చితంగా హిట్ కొట్టడం ఖాయమని అభిమానులు భావిస్తున్నారు.