దళపతి విజయ్ 67వ మూవీలో ఆ తమిళ క్రేజీ హీరో..?
తమిళ సినిమా ఇండస్ట్రీ లో టాప్ హీరో లలో ఒకరిగా కొనసాగుతున్న దళపతి విజయ్ గురించి ప్రత్యేకంగా సినీ ప్రేమికులకు పరిచయం చేయాల్సిన అవసరం లేదు. ప్రస్తుతం దళపతి విజయ్ , వంశీ పైడిపల్లి దర్శకత్వం లో దిల్ రాజు నిర్మాణంలో తెరకెక్కుతున్న వరిసు అనే మూవీ లో హీరో గా నటిస్తున్నాడు. ఈ మూవీ తమిళ్ మరియు తెలుగు భాషలలో విడుదల కాబోతుంది. తమిళ్ లో వరసు అనే టైటిల్ తో ఈ మూవీ విడుదల కానుండగా , తెలుగు లో ఈ మూవీ వారసుడు అనే టైటిల్ తో విడుదల కాబోతుంది. రష్మిక మందన ఈ మూవీ లో హీరోయిన్ గా నటిస్తూ ఉండగా , ఎస్ ఎస్ తమన్ ఈ మూవీ కి సంగీతం అందిస్తున్నాడు. ఈ మూవీ ని వచ్చే సంవత్సరం సంక్రాంతి కానుకగా విడుదల చేయనున్నట్లు మూవీ యూనిట్ కొన్ని రోజుల క్రితమే అధికారికంగా ప్రకటించింది. ఇది ఇలా ఉంటే ఈ మూవీ తర్వాత దళపతి విజయ్ , లోకేష్ కనకరాజు దర్శకత్వం లో తెరకెక్కబోయే మూవీ లో నటించబోతున్న విషయం మన అందరికీ తెలిసిందే.
ఇది ఇలా ఉంటే ఇప్పటికే వీరిద్దరి కాంబినేషన్ లో మాస్టర్ అనే మూవీ తెరకెక్కిన విషయం మనకు తెలిసింది. మాస్టర్ మూవీ మంచి విజయం సాధించడంతో వీరిద్దరూ కాంబినేషన్ లో తెరకెక్కబోయే తదుపరి మూవీ పై భారీ అంచనాలు ప్రేక్షకుల్లో నెలకొని ఉన్నాయి. దళపతి విజయ్ , లోకేష్ కనకరాజు కాంబినేషన్ లో తెరకెక్కబోయే మూవీ అద్భుతమైన యాక్షన్ ఎంటర్టైనర్ గా తెరకెక్కబోతున్నట్లు తెలుస్తుంది. ఇది ఇలా ఉంటే ఈ క్రేజీ ప్రాజెక్ట్ లో తమిళ సినిమా ఇండస్ట్రీ లో అద్భుతమైన క్రేజ్ ఉన్న హీరో లలో ఒకరు అయిన విశాల్ ఒక ముఖ్య పాత్రలో నటించబోతున్నట్లు , విశాల్ పాత్ర ఈ మూవీ కే హైలైట్ గా నిలవనున్నట్లు ఒక వార్త ప్రస్తుతం సోషల్ మీడియాలో తెగ వైరల్ అవుతుంది.