27 రోజుల్లో ప్రపంచవ్యాప్తంగా అన్ని కోట్ల లాభాలను సాధించిన 'బింబిసార' మూవీ..!
నటుడి గా , నిర్మాత గా తెలుగు సినిమా ఇండస్ట్రీ లో ఎంతో మంచి గుర్తింపు ను సంపాదించుకున్న కళ్యాణ్ రామ్ తాజాగా బింబిసారా అనే మూవీ లో హీరోగా నటించిన విషయం మన అందరికీ తెలిసిందే. ఈ మూవీ కి మల్లాడి వశిష్ట దర్శకత్వం వహించగా క్యాథరిన్ , సంయుక్తా మీనన్ ఈ మూవీ లో హీరోయిన్ లుగా నటించారు. ఈ మూవీ ఆగస్టు 5 వ తేదీన భారీ అంచనాల నడుమ ప్రపంచ వ్యాప్తంగా విడుదల అయ్యింది. ఇప్పటి వరకు ఈ సినిమా 27 రోజుల బాక్స్ ఆఫీస్ రన్ ని కంప్లీట్ చేసుకుంది. ఇప్పటికి కూడా ఈ సినిమా బాక్స్ ఆఫీస్ దగ్గర డీసెంట్ కలెక్షన్ లను వసూలు చేస్తుంది.
ఇది ఇలా ఉంటే ఈ మూవీ విడుదలకు ముందు నుండే ఈ మూవీ పై ప్రేక్షకుల్లో మంచి అంచనాలు కలిగి ఉన్న నేపథ్యంలో ఈ మూవీ కి ప్రపంచ వ్యాప్తంగా 15.60 కోట్ల ఫ్రీ రిలీజ్ బిజినెస్ జరిగింది. ఈ మూవీ 16.20 కోట్ల బ్రేక్ ఈవెన్ టార్గెట్ తో బాక్సా ఫీస్ బరిలోకి దిగింది. ఈ మూవీ కి విడుదల అయిన మొదటి రోజే బాక్స్ ఆఫీస్ దగ్గర మంచి టాక్ లభించడంతో అతి తక్కువ రోజుల్లోనే ఈ మూవీ బాక్స్ ఆఫీస్ దగ్గర బ్రేక్ ఈవెన్ ఫార్ములా ను కంప్లీట్ చేసుకుని లాభాలను అందుకుంది. ఇప్పటి వరకు 27 రోజుల బాక్స్ ఆఫీస్ రన్ ని కంప్లీట్ చేసుకున్న ఈ మూవీ ప్రపంచ వ్యాప్తంగా 37.53 కోట్ల షేర్ , 64.30 కోట్ల గ్రాస్ కలెక్షన్ లను వసూలు చేసింది. దీనితో 27 రోజుల బాక్స్ ఆఫీస్ రన్ ముగిసే సరికి బింబిసారా మూవీ ప్రపంచ వ్యాప్తంగా 21.33 కోట్ల లాభాలను సాధించింది.