మహేష్ బాబు ఎందుకు ఆ విషయంలో తగ్గుతున్నాడు..!!
సూపర్ స్టార్ మహేష్ బాబు టాలీవుడ్ సినిమా పరిశ్రమలో భారీ స్థాయిలో క్రేజ్ ఉన్న హీరో. తెలుగులో నెంబర్ వన్ స్థానంలో ఉన్న ఈ హీరో ప్రస్తుతం సర్కారు వారి పాట అనే సినిమాలో చేస్తున్న విషయం తెలిసిందే. కీర్తి సురేష్ హీరోయిన్ గా నటిస్తుండగా యువ దర్శకుడు పరశురామ్ ఈ చిత్రానికి దర్శకుడుగా వ్యవహరిస్తున్నాడు. ఇటీవలే తమన్ సంగీతం సమకూర్చిన ఓ పాట ప్రేక్షకుల ముందుకు రాగా దానికి భారీ స్థాయిలో గుర్తింపు వచ్చింది. యూట్యూబ్ లో పలు రికార్డులను నమోదు చేసుకుంటున్న ఈ పాట కు ప్రేక్షకులు బ్రహ్మరథం పడుతున్నారు.
ఈ నేపథ్యంలోనే ఈ సినిమా పూర్తి కాకముందే మహేష్ బాబు తన తదుపరి సినిమాను మొదలు పెట్టబోతున్నాడు. త్రివిక్రమ్ దర్శకత్వంలో 28వ సినిమాను మొదలు పెట్టబోతున్నారు. ఇప్పటికే ఈ చిత్రానికి సంబంధించిన పూజా కార్యక్రమాలు కూడా పూర్తయ్యాయి. ఈ కార్యక్రమానికి మహేష్ హాజరు కాకపోయినా ఆయన సతీమణి నమ్రత హాజరయ్యి ఈ చిత్ర షూటింగ్ కు లైన్ క్లియర్ చేసింది. ఆ విధంగా పూజ హెగ్డే ఈ సినిమాలో హీరోయిన్ గా నటిస్తుండగా తమన్ మరొకసారి మహేష్ బాబుతో సినిమా చేస్తుండడం విశేషం.
అయితే ఈయన కంటే చిన్న హీరోలు సైతం ఇప్పుడు పాన్ ఇండియా సినిమాలు చేసే విధంగా ముందుకు దూసుకు వెళుతున్నారు. ఈ నేపథ్యంలో ఎందుకు మహేష్ పాన్ ఇండియా సినిమాలను చేయడంలో వెనక్కి తగ్గుతున్నారు అనే వాదన ఇప్పుడు ప్రేక్షకుల్లో నెలకొంటుంది. యువ హీరోలు ఈ సినిమాలు ఈ తరహా లాంటి సినిమాలు చేస్తున్నారు. టాలీవుడ్ లో నెంబర్ వన్ హీరోగా ఉన్న మహేష్ ఇలా చేయకపోవడంపై ప్రేక్షకులు కొంత నిరాశగా కూడా ఉన్నారు. అయితే రాజమౌళి సినిమా మహేష్ వద్దనుకున్న పాన్ ఇండియా సినిమా గా తెరకెక్కుతుంది కాబట్టి ఆ చిత్రంతోనే తన కెరీర్ ని మొదలు పెట్టాలని మహేష్ భావిస్తున్నాడు అన్న చర్చ జరుగుతోంది.