ఖిలాడి సక్సెస్ మీట్ కు పిలవద్దంటున్న రవితేజ..?
ఓ సినిమా విడుదలయ్యాక ఆ సినిమా సక్సెస్ మీట్ లు వంటివి పెట్టుకోవడం ఈ రోజుల్లో అయితే బాగా కామన్.తద్వారా తమ సినిమాని చూసేలా జనాలని ప్రేరేపించి కలెక్షన్లు బాగా పెంచుకోవచ్చు.రిలీజ్ అయినప్పుడు పాజిటివ్ టాక్ వచ్చిన నెగిటివ్ టాక్ వచ్చిన కలెక్షన్లు నమోదయ్యే అవకాశాలు అయితే ఉంటాయి.కొన్ని సినిమా యూనిట్లు అయితే మార్నింగ్ షో తర్వాత నుండే క్రాకర్స్ కాలుస్తూ కేక్ లు కట్ చేస్తూ తమ సినిమా పై జనాల ఫోకస్ పడేలా చేస్తుంటారట.
ఇందుకు సినిమా చూసిన వాళ్ళ అభిప్రాయంతో అస్సలు సంబంధం ఉండదు. సరిగ్గా… 'ఖిలాడి' టీం కూడా ఇప్పుడు ఇదే ప్లాన్ చేస్తుందట . ఫిబ్రవరి 11న విడుదలైన ఈ చిత్రానికి ప్లాప్ టాక్ వచ్చిందట. కానీ మొదటి వీకెండ్ కు డీసెంట్ వసూళ్ళను రాబట్టిందని దీంతో సక్సెస్ మీట్లు ప్లాన్ చేసిందట 'ఖిలాడి' టీం. కానీ వీటికి హీరో రవితేజ అస్సలు అంగీకరించడం లేదట. 'ఖిలాడి' కి సంబంధించి ఎటువంటి సక్సెస్ మీట్లు ప్లాన్ చేసినా తనని దూరంగా ఉంచమని రవితేజ కోరాడట.
ఇక 'ఖిలాడి' కి సంబంధించి తన పని మొత్తం కూడా పూర్తయిపోయిందని కూడా రవితేజ తెలిపాడట. దాంతో హీరో లేకుండా ఈ సక్సెస్ మీట్లు ఎందుకని చిత్ర బృందం కూడా లైట్ తీసుకున్నట్టు సమాచారం .ఈ చిత్రం షూటింగ్ సమయంలో దర్శకుడితో రవితేజకి చెడిందని ప్రచారం జరిగిందట . అందుకు తగ్గట్టే ప్రీ రిలీజ్ వేడుకలో రవితేజ స్పీచ్ ఉందట . అతి కష్టం మీద రవితేజని ప్రీ రిలీజ్ ఈవెంట్ కు తీసుకువచ్చారనే టాక్ కూడా వినిపిస్తుంది..
ఖిలాడి సినిమా కోసం ఏకంగా రూ.65 కోట్ల బడ్జెట్ పెట్టేసారట పాపం అయితే థియేట్రికల్ రైట్స్, నాన్ థియేట్రికల్ రైట్స్ కింద రూ.49 కోట్లు మాత్రమే రికవర్ అయినట్టు సమాచారం.అయితే హిందీలో మాత్రం 'ఖిలాడి' బాగానే కలెక్ట్ చేస్తుందట అక్కడ నిర్మాతలు ఓన్ రిలీజ్ చేసుకున్నారట.