జపాన్ లో ప్రారంభమైన వలిమై బుకింగ్స్..!
ఈ సంవత్సరం సంక్రాంతి కానుకగా సినిమాలను విడుదల చేయడం కోసం ఎంతో మంది స్టార్ హీరోలు తమ సినిమాలను రెడీ చేశారు, కేవలం సినిమాలను పూర్తి చేయడం మాత్రమే కాకుండా ఆ సినిమా విడుదల తేదీలను కూడా ప్రకటించారు. ఇలా విడుదల తేదీలను ప్రకటించిన తర్వాత దేశంలో కరోనా కేసులు ఉద్ధృతంగా పెరిగి పోవడంతో ఈ సినిమా విడుదలను చిత్ర బృందం వాయిదా వేసింది, ఈసారి సంక్రాంతి కానుకగా విడుదల చేయాలి అనుకోని కారోనా కారణంగా వాయిదా పడిన సినిమాలలో అజిత్ నటించిన వలిమై సినిమా ఒకటి. ఈ సినిమాను జనవరి 13 వ తేదీన విడుదల చేయబోతున్నట్లు చిత్ర బృందం కొన్ని రోజుల క్రితం చిత్రం ప్రకటించింది, ఆ తర్వాత కారోనా ప్రభావం వల్ల ఈ సినిమా విడుదలను చిత్ర బృందం వాయిదా వేసింది. ఇది ఇలా ఉంటే కొన్ని రోజుల క్రితమే ఈ సినిమాను ఈ నెల 24 వ తేదీన విడుదల చేయబోతున్నట్లు చిత్ర బృందం తెలియజేసింది, ఇప్పటికే ఈ సినిమా నుండి విడుదల చేసిన ప్రచార చిత్రాలకు ప్రేక్షకుల నుండి మంచి రెస్పాన్స్ లభిస్తోంది.
ఈ సినిమాలో అజిత్ సరసన బాలీవుడ్‌ నటి హ్యూమా ఖురేషీ నటించగా.. తమిళం, తెలుగు, కన్నడం, హిందీ భాషల్లో నిర్మించిన ఈ సినిమాకి హెచ్‌.వినోద్‌ దర్శకత్వం వహించారు, ఈ సినిమాలో టాలీవుడ్ యువ హీరో కార్తికేయ ప్రతినాయకుడి పాత్రలో నటించాడు, యోగిబాబు, సుమిత్ర వంటి అనేక మంది తారాగణం ఈ సినిమాలో ప్రముఖ పాత్రను పోషించారు. బాలీవుడ్‌ నిర్మాత బోనీకపూర్‌ భారీ బడ్జెట్‌తో హాలీవుడ్‌ చిత్రాలకు ధీటుగా ఈ సినిమాను నిర్మించారు, ఈ సినిమాపై టాలీవుడ్ లో కూడా మంచి అంచనాలు నెలకొని ఉన్నాయి. ఇది ఇలా ఉంటే ఈ సినిమా టిక్కెట్స్‌ బుకింగ్స్ భారత్‌లో ఇంకా ఆరంభంకాలేదు, కానీ, జపాన్‌లో మాత్రం ఈ సినిమా టిక్కెట్స్‌ బుకింగ్స్ ప్రారంభం కావడం గమనార్హం.