వీజే సన్నీ సింపతీ కోరుకుంటున్నాడా?
ఇక బిగ్ బాస్ సీజన్ 5లో కంటెస్టెంట్ గా ఎంట్రీ ఇచ్చినప్పుడు అందరికి సన్నీపై పెద్దగా అంచనాలనేవి లేవు. కానీ మెల్లమెల్లగా తన బిహేవియర్ ఇంకా అలాగే గేమ్ ప్లాన్ తో సన్నీ వార్తల్లో నిలిచేవాడు.ఇక కొన్ని వారాలయ్యేసరికి సన్నీనే విన్నర్ అని జనాలందరూ కూడా ఫిక్సయిపోయారు. అలానే సన్నీకి ఎక్కువగా ఓట్లు వేస్తూ.. అతడిని గెలిపించడం జరిగింది. ఇక ట్రోఫీ అందుకున్న వీజే సన్నీ.. తన తల్లి చేతుల్లో దాన్ని పెడుతూ ఎంతో సంతోషపడిపోయాడు.తన అమ్మ గారిని కళావతి అని పేరు పెట్టి పిలుస్తూ.. చాలా సరదాగా ఉంటాడు సన్నీ. ఇక హౌస్ లోకి ఆమె వచ్చినప్పుడు కూడా కళావతి అని పిలుస్తూ అందరిని నవ్వించాడు. ఇప్పటి దాకా తన తల్లి గురించి మాత్రమే మాట్లాడిన సన్నీ తొలిసారి తన తండ్రి గురించి కూడా చెబుతూ ఎమోషనల్ అయ్యాడు. 'కొన్ని విషయాలు అనేవి ఎలా జరుగుతాయో మనకి తెలియదు..
ఇక అలాంటి సందర్భం ముందు ముందు రాకూడదని నేను అనుకుంటున్నా' అంటూ చెప్పుకొచ్చాడు వీజే సన్నీ.అమ్మా, నాన్న ఇద్దరూ కూడా మంచివారే అని అన్నాడు. తను ఎక్కువగా అమ్మతో ఉంటానని.. నాన్నంటే చాలా గౌరవమిస్తానని తెలిపాడు. వారిద్దరి మధ్య ఏం జరిగిందో తనకు ఏమి తెలియదని.. ఈ విషయం గురించి వాళ్ళ అమ్మ గారిని కూడా ఎప్పుడూ అడగలేదని.. అది వాళ్ల పెర్సనల్ మ్యాటర్ అని చెప్పుకొచ్చాడు. అలాగే తనకు కళావతి అనే ఒక మంచి ఫ్రెండ్ కూడా ఉందని అతను అన్నాడు.ఇక వీజే సన్నీకి ఒక సంవత్సరం వయసు ఉన్నప్పుడే తన తల్లిదండ్రులు విడిపోవడంతో.. తండ్రి ప్రేమకు చాలా దూరమయ్యాడు సన్నీ. కానీ తన తల్లి అప్పటినుంచి అన్నీ తానై తన కొడుకుని పెంచుకుంది. తొలిసారి తన తల్లి బిగ్ బాస్ ట్రోఫీని బహుమతిగా అడిగిందని.. కప్పు గెలిచిన రోజు ఓ కొడుకుగా ఆమె ఆనందం చూసి ఎంతగానో మురిసిపోయానని చెప్పుకొచ్చాడు.ఇక ఇవన్నీ పక్కనపెడితే సన్నీ సింపతీ డ్రామా ప్లే చేస్తున్నాడని ప్రతి సారి అలా చెయ్యడం ఎంత వరకు సెట్ అవుతుందని సన్నీ హేటర్స్ సోషల్ మీడియాలో ట్రోల్ చేస్తున్నారు.