బిగ్ బాస్ 5 : సామి సామి సాంగ్ తో రచ్చ చేసిన రష్మిక

GVK Writings
ప్రస్తుతం స్టార్ మా ఛానల్ లో కొనసాగుతున్న అతి పెద్ద రియాలిటీ షో బిగ్ బాస్ సీజన్ 5. ఇప్పటికే గడిచిన నాలుగు సీజన్స్ అన్ని కూడా అందరినీ ఎంతో ఆకట్టుకోగా, ప్రస్తుతం నడుస్తున్న ఈ సీజన్ కూడా అటు ప్రేక్షకుల నుండి మంచి ఆదరణ అందుకోవడంతో పాటు రేటింగ్స్ పరంగా కూడా మంచి క్రేజ్ దక్కించుకుంది. ఇక ఈ తాజా సీజన్ కి నాగార్జున హోస్ట్ గా వ్యవహరిస్తున్నారు.
ఈ సీజన్ లో జరిగిన 14 వారాల్లో చాలామంది కంటెస్టెంట్స్ హౌస్ నుండి ఎలిమినేట్ అయి బయటకు వెళ్లగా మిగిలిన వారిలో టాప్ స్థానములో ఎవరు ఉంటారు, అసలు వారిలో విన్నర్ ఎవరు, రన్నర్ ఎవరు అనే దానిపై అందరిలో కూడా ఎంతో ఉత్కంఠ నెలకొంది. ఇక నేడు జరుగుతున్న ఈ సీజన్ 5 గ్రాండ్ ఫినాలే ని ఎంతో గ్రాండ్ గా ప్లాన్ చేసింది బిగ్ బాస్ యాజమాన్యం. ఇక ఈ ప్రత్యేక ఫినాలే ఎపిసోడ్ కి బాలీవుడ్ నటుడు రణబీర్ కపూర్, నటి అలియా భట్, టాలీవుడ్ టాప్ డైరెక్టర్ రాజమౌళి, హీరోయిన్స్ రష్మిక పుష్ప మూవీ యూనిట్, అలానే నాని శ్యామ్ సింగ రాయ్ యూనిట్ విచ్చేయనుంది. ఈ ఎపిసోడ్ కి సంబందించిన టీజర్ ఇప్పటికే యూట్యూబ్ లో సందడి చేస్తోంది.
ఇక కొద్దిసేపటి క్రితం మొదలైన ఈ ఎపిసోడ్ లో అందరూ ప్రత్యేక అతిథులు తమ వ్యాఖ్యానాలు, సరదా సరదా డైలాగ్స్ తో అందరినీ ఆకట్టుకోగా, పుష్ప లో శ్రీవల్లి గా తన నటన, అందంతో అందరినీ అలరించిన రష్మిక మందన్న పుష్ప లోని ఫేమస్ సాంగ్, సామి సామి సాంగ్ కి స్టెప్స్ అదరగొట్టి బిగ్ బాస్ కంటెస్టెంట్స్ అలానే ఆడియన్స్ అందరిలో ఫుల్ జోష్ నింపింది. ఇక మరోవైపు అలియా భట్, రణబీర్ కపూర్ కూడా తమ మాటలతో బిగ్ బాస్ కంటెస్టెంట్స్ ని అలరించారు. మొత్తంగా అందరినీ ఆకట్టుకుంటూ ప్రస్తుతం కొనసాగుతోంది బిగ్ బాస్ సీజన్ 5 గ్రాండ్ ఫినాలే ఈవెంట్. మరి ఈ సీజన్ 5 లో విన్నర్ గా రన్నర్ గా ఎవరెవరు నిలుస్తారు అనేది తెలియాలి అంటే మరికొన్ని గంటలు ఆగాలి.
మరిన్ని ఇంట్రెస్టింగ్ అప్ డేట్స్ కోసం క్లిక్ చేసి ఇండియాహెరాల్డ్ వాట్సాప్ చానెల్·ను ఫాలో అవ్వండి

మరింత సమాచారం తెలుసుకోండి:

bigg boss 5 telugu finale

సంబంధిత వార్తలు: