మెగా హీరో వైష్ణవ్ తేజ్ మరోసారి పంజా విసురుతాడా?
గత సంవత్సరం కరోనా తర్వాత విడుదలైన చిత్రాలలో ఒకటైన ఉప్పెనతో ప్రేక్షకుల ముందుకు వచ్చాడు. ఈ సినిమాతో ప్రముఖ దర్శకుడు సుకుమార్ దగ్గర శిష్యరికం చేసిన బుచ్చిబాబు సానా దర్శకుడిగా పరిచయం అయ్యాడు. ఇందులో కృతి శెట్టి హీరోయిన్ గా పరిచయం అయింది. ఈ సినిమా తెలుగు ప్రేక్షకుల్ని ఆకట్టుకుని బ్లాక్ బస్టర్ గా నిలిచింది. అలా వైష్ణవ్ తేజ్ నటించిన మొదటి సినిమా సూపర్ డుపర్ హిట్ గా నిలవడంతో క్రేజీ హీరోగా మారిపోయాడు. దానితో వైష్ణవ్ తేజ్ నటించబోయే తరువాత సినిమాపై అంచనాలు భారీగా పెరిగిపోయాయి. తాజాగా ప్రముఖ డైరెక్టర్ క్రిష్ జాగర్లమూడి దర్శకత్వంలో కొండపొలం అనే భిన్నమైన కాన్సెప్ట్ తో ఈ రోజు మన ముందుకు రానున్నారు. ఈ సినిమాపై అంచనాలు మామూలుగా లేవు.
ఇప్పటికే విడుదల అయిన ట్రైలర్స్ పాటలు సినిమాపై మరింత ఆశలను పెంచుతున్నాయి. ఈ సినిమాలో ఒక కొండ ప్రాంతంలో నివసించే పాత్రలో వైష్ణవ్ నటిస్తున్నాడు. ఢీ గ్లామరస్ పాత్రలో మొదటి సారి రకుల్ ప్రీత్ సింగ్ నటిస్తోంది. ఈ సినిమాలో నాజర్, కోట శ్రీనివాసరావు కీలక పాత్రలలో నటిస్తున్నారు. మరి ఇంకాసేపట్లో థియేటర్లో విడుదల కానున్న ఈ చిత్రం ఎలాంటి టాక్ తెచ్చుకుంటుంది అనేది చూడాలి. మొదటి సినిమా విజయం గాలి వాటం కాదని తనలో సత్తా ఉందని వైష్ణవ్ తేజ్ నిరూపించుకుంటాడా? అన్నది తెలియాలంటే కాస్త సమయం వేచి చూడాలి.