చిన్న సినిమాగా రిలీజ్ అయి ... పెద్ద సంచలనం సృష్టించిన హ్యాపీ డేస్ ... !
మొదటి రోజు నుండి సూపర్ హిట్ టాక్ సొంతం చేసుకున్న ఈ సినిమాకి రాను రాను చాలా ప్రాంతాల్లో విపరీతంగా థియేటర్స్ పెంచడంతో పాటు యువత అయితే ఈ సినిమాకి మళ్ళి మళ్ళి వెళ్లి చూసారు. అది మాత్రమే కాక అనేకమంది ఇతర ప్రేక్షకులు సైతం ఈ సినిమాని చూసి తమ కాలేజీ రోజులను గుర్తు చేసుకున్నారు. అంతబాగా ఈ సినిమా అందరినీ ఎంతో ఆకట్టుకుంది. నాలుగు యువ కాలేజీ జంటల మధ్య సాగె కథగా అందరినీ అలరించేలా ఎంతో చక్కగా శేఖర్ కమ్ముల తీసిన ఈ సినిమాకి మిక్కీ జె మేయర్ అందించిన సాంగ్స్, బీజీఎమ్ స్పెషల్ అట్రాక్షన్ అని చెప్పాలి.
ఇక ఇందులో నటీనటులు అందరూ కూడా తమ తమ పాత్రల యొక్క పరిధి మేరకు ఎంతో బాగా నటించినా ఆడియన్స్ ని అలరించారు. ఇక ఈ మూవీ భారీ విజయం తరువాత హీరోయిన్ గా తమన్నా, హీరో నిఖిల్, ప్రస్తుతం మంచి క్రేజ్ తో కొనసాగుతున్నారు. కాలేజీ యువత యొక్క మనసులోని భావాలకు అద్దంపట్టేలా శేఖర్ కమ్ముల తీసిన ఈ సినిమాని ఇప్పటికీ కాదు అసలు ఎప్పటికీ కూడా తెలుగు ప్రేక్షకాభిమానులు మరిచిపోలేరు అనే చెప్పాలి. ఇక ఈ సినిమాలో సాంగ్స్ అయితే ఇంకా తరచు ఎక్కడో ఒక చోట వినపడుతూనే ఉంటాయి అంటే ఈ మూవీ క్రేజ్ ఎటువంటిదో అర్ధం చేసుకోవచ్చు. అప్పట్లో నిర్మాతలకు, బయ్యర్లకు ఎన్నో రేట్ల భారీ లాభాన్ని తెచ్చిపెట్టింది హ్యాపీ డేస్ సినిమా.