మెగాస్టార్ చిరంజీవి మొదటి సినిమా థియేటర్లో... ఫీలింగ్ ఇదే ?
తెలుగు సినిమా ఖ్యాతిని పెంచి టాలీవుడ్ ఇండస్ట్రీ విశిష్టతను దేశ నలుమూలలకు విస్తరింపజేసిన నటులలో మెగాస్టార్ చిరంజీవి ప్రముఖులనే చెప్పొచ్చు. అసలు టాలీవుడ్ ఇండస్ట్రీ అంటేనే మెగాస్టార్ చిరంజీవే అన్నట్టు అంతా మెగా మయం చేశారు చిరు. 40 ప్లస్ ఇయర్స్ ఇండస్ట్రీ ఎక్స్పీరియన్స్..60 ప్లస్ లో కూడా స్టార్ హీరో గా జెట్ స్పీడ్ తో దూసుకుపోతున్న మెగా దిగ్గజం. ఎంత చెప్పినా తనివితీరని ఘన చరిత్ర చిరు సొంతం. ఈయన కెరియర్ లో ఎన్నో బ్లాక్ బాస్టర్లు, సినీ చరిత్రలో నిలిచిపోయే ఆణిముత్యాలు, రికార్డులు బద్దలు కొట్టాలంటే చిరు సినిమాలే గురి. మెగాస్టార్ నటించిన వందల సినిమాల్లో ఏదో ఒక సినిమా అందరికీ వారు చూసిన తొలి సినిమా అవుతుంది. అప్పుడు ఆ సినిమా అనుభవం వారికి ఓ మధుర జ్ఞాపకం.