వీరమల్లు కు క్రిష్ హైప్ తేలేకపోతున్నాడా!!
పవర్ స్టార్ పవన్ కళ్యాణ్ ప్రస్తుతం సాగర్ చంద్ర దర్శకత్వంలో అయ్యప్పనుం కోషియాం రీమేక్ భీమ్లా నాయక్ చిత్రంలో నటిస్తున్న విషయం తెలిసిందే. రానా మరో కథానాయకుడిగా నటిస్తున్న ఈ చిత్రానికి త్రివిక్రమ్ రచయిత గా చేస్తుండడం విశేషం. నిత్యమీనన్ ఐశ్వర్య రాజేష్ లు హీరోయిన్లుగా నటిస్తున్న ఈ సినిమా సంక్రాంతి కానుకగా ప్రేక్షకుల ముందుకు రాబోతుంది. ఇప్పటికే ఈ చిత్రం నుంచి వచ్చిన ఫస్ట్ గ్లింప్స్ కు రాష్ట్ర వ్యాప్తంగా ప్రేక్షకుల నుంచి మంచి రెస్పాన్స్ దక్కుతుంది. పవన్ కళ్యాణ్ భీమ్లా నాయక్ గా నటిస్తుండగా రానా డానియల్ శేఖర్ అనే పాత్రలో కనిపించబోతున్నాడు.
ఇకపోతే ఈ సినిమా తర్వాత పవన్ కళ్యాణ్ హీరోగా నటిస్తున్న చిత్రం క్రిష్ దర్శకత్వంలో తెరకెక్కుతున్న హరిహర వీరమల్లు అనే చారిత్రాత్మక చిత్రం. ఏఎం రత్నం నిర్మిస్తున్న ఈ భారీ బడ్జెట్ చిత్రం నుంచి ఎలాంటి అప్డేట్ రాకపోవడంతో పవన్ అభిమానులు ఈ సినిమా అప్డేట్ గురించి సోషల్ మీడియా వేదికగా ప్రశ్నిస్తున్నారు. గతంలో గౌతమీపుత్ర శాతకర్ణి వంటి చారిత్రాత్మక సినిమాను తెరకెక్కించిన క్రిష్
ఈ సినిమాను కూడా అదే రేంజ్ లో ఆవిష్కరిస్తాడని ప్రేక్షకులు భావిస్తున్నారు.
ఆ మధ్య ఈ సినిమాకు సంబంధించిన టీజర్ ప్రేక్షకులకు బాగానే ఆకట్టుకుంది కానీ ఆ హైప్ కొన్ని రోజులే ఉండడంతో ఈ సినిమా సృష్టించిన సంచలనం వేరే ఉంది అని చెప్పుకుంటున్నారు. సినిమాల గురించి జనాలు పట్టించుకోవడం మానేసిన నేపథ్యంలో ఈ సినిమా గురించి మాట్లాడుకోవాలంటే ఏదైనా పెద్ద బజ్ క్రియేట్ చేయాలి. ఆ విధంగా క్రిష్ ఎప్పుడు చేస్తారో చూడాలి. నిధి అగర్వాల్, జాక్వలైన్ ఫెర్నాండేజ్ హీరోయిన్లుగా నటిస్తున్న ఈ సినిమాకి కీరవాణి సంగీతం సమకూరుస్తు ఉండగా వేసవి కానుకగా ఈ చిత్రాన్ని విడుదల చేయబోతున్నారు చిత్రబృందం. ఇకపోతే పవన్ కళ్యాణ్ హీరోగా మరో సినిమా కూడా ప్రేక్షకుల ముందుకు రాబోతోంది హరీష్ శంకర్ దర్శకత్వంలో తెరకెక్కబోయే ఈ సినిమా మాస్ మసాలా చిత్రం గా రాబోతుంది.