"నారప్ప" కి సెన్సార్ రిపోర్ట్..!
విక్టరీ వెంకటేష్ హీరోగా నటించిన "నారప్ప" చిత్రానికి సంబంధించి సెన్సార్ కార్యక్రమాలు పూర్తయ్యాయి. అయితే ఈ సినిమా U/A సర్టిఫికేట్ అందుకుంది. ఈ సినిమాని చిన్న పిల్లలు కూడా తల్లిదండ్రుల సమక్షంలో వీక్షించవచ్చని సెన్సార్ బోర్డు "U/A" సర్టిఫికేట్ సమర్పించింది. నారప్ప మూవీ ధనుష్ హీరోగా నటించిన అసురన్ చిత్రానికి రీమేక్ అని అందరికీ తెలిసిన విషయమే. అయితే తెలుగులో ధనుష్ పాత్రను వెంకటేష్ చేశారు. ఆరు నెలల క్రితం విడుదలైన "గ్లింప్స్ ఆఫ్ నారప్ప" వీడియోలో వెంకటేష్ లుక్ ని మనం చూడొచ్చు. అచ్చం ధనుష్ లాగానే వెంకటేష్ పంచె కట్టు కొని.. తలకు గుడ్డ చుట్టుకొని.. కత్తి పట్టుకుని ఉగ్ర అవతారంలో కనిపించారు. ఈ సినిమాకు సంబంధించిన కొన్ని పోస్టర్లు కూడా విడుదలై అభిమానుల్లో అంచనాలు పెంచేశాయి. అసురన్ చిత్రానికి నారప్ప పర్ఫెక్ట్ రీమేక్ అవుతుందని అభిమానులు ఆశాభావం వ్యక్తం చేస్తున్నారు.
ఈ చిత్రంలో వెంకటేష్, ప్రియమణి జంటగా నటించారు. కేరాఫ్ కంచరపాలెం ఫేమ్ కార్తీక్ రత్నం వెంకటేష్, ప్రియమణి లకు పెద్ద కుమారుడిగా 'మునిఖన్నా' పాత్రలో నటించారు. కెన్ కరుణాస్ చిన్న కుమారుడిగా నటించారు. కెన్ కరుణాస్ ఒరిజినల్ మూవీ "అసురన్" లో చిదంబరం పాత్ర పోషించారు. ప్రకాష్ రాజ్, సంపత్ రాజ్, రావు రమేష్, రాజీవ్ కనకాల తదితరులు ఈ సినిమాలోని కీలక పాత్రలు పోషించారు.
ఈ చిత్రంలో వెంకటేష్, ప్రియమణి జంటగా నటించారు. కేరాఫ్ కంచరపాలెం ఫేమ్ కార్తీక్ రత్నం వెంకటేష్, ప్రియమణి లకు పెద్ద కుమారుడిగా 'మునిఖన్నా' పాత్రలో నటించారు. కెన్ కరుణాస్ చిన్న కుమారుడిగా నటించారు. కెన్ కరుణాస్ ఒరిజినల్ మూవీ "అసురన్" లో చిదంబరం పాత్ర పోషించారు. ప్రకాష్ రాజ్, సంపత్ రాజ్, రావు రమేష్, రాజీవ్ కనకాల తదితరులు ఈ సినిమాలోని కీలక పాత్రలు పోషించారు.