ఆ సినిమా కోసం పవన్ త్రిపాత్రాభినయం నిజమేనా ?
ఈ రెండు సినిమాలలో ఒకటి మలయాళంలో సూపర్ హిట్ అయిన "అయ్యప్పనుమ్ కోషియం" సినిమాను తెలుగులో రీమేక్ చేస్తున్నారు. ఈ సినిమాకు సాగర్ కె చంద్ర దర్శకత్వం వహిస్తున్నారు. మరొక మూవీ "హరిహర వీరమల్లు". ఈ సినిమా చారిత్రాత్మక నేపధ్యంతో రూపుదిద్దుకుంటోంది. దీనికి ప్రముఖ దర్శకుడు క్రిష్ జాగర్లమూడి దర్శకత్వం వహిస్తున్నారు. ఈ సినిమాలో పవన్ కళ్యాణ్ ని ఎప్పుడూ చూడని విధంగా చూపించనున్నట్లు ఇప్పటికే క్రిష్ తెలియచేశారు. ఈ సినిమా షూటింగ్ కొంతభాగం జరుపుకుని కరోనా కారణంగా ఆగిపోయిన విషయం తెలిసిందే. అంతే కాకుండా ఇటీవలే పవన్ కు కోవిడ్ సోకడంతో డాక్టర్ల సలహా మేరకు 2 నెలలకు పైగా విశ్రాంతి తీసుకుంటున్నారు.
ప్రస్తుతం ఈ సినిమాకి సంబంధించి ఒక న్యూస్ చిత్రపురిలో వైరల్ అవుతూ ఉంది. హరిహర వీరమల్లు లో పవన్ కళ్యాణ్ మూడు పాత్రలను పోషిస్తున్నట్లుగా తెలుస్తోంది. దీనితో ఈ వార్త తెలిసిన పవన్ ఫ్యాన్స్ ఇందులో నిజముందా లేదా అని తెలుసుకోకుండా ఫుల్ వైరల్ చేసేస్తున్నారు. చారిత్రాత్మక సినిమా కాబట్టి ఉండే అవకాశం ఉందా ? లేదా ? అని సినీ వర్గాలు సైతం చెవులు కొరుక్కుంటున్నాయి. దీనిపై ఎటువంటి అధికారిక ప్రకటన లేదు కాబట్టి ప్రస్తుతానికి ఒక గాసిప్ లా మిగిలిపోనుంది.