سمیرا ریڈی فلمی دنیا سے دور کیسی زندگی گذاررہی ہیں
ایم اے سلام
بالی ووڈ ایکٹریس سمیرا ریڈی نے اپنے فلمی کیریئر کے دوران دمدار ایکٹنگ کی وجہ کافی نیم اور فیم کمایا ہے۔ فائنس نہ صرف ایکٹریس کی ایکٹنگ بلکہ ان کی قاتل اداوں کے بھی حد سے زیادہ دیوانے تھے۔ بتادیں اپنے حسن سے لوگوں کو دیوانہ بنانے والی ایکٹریس سمیرا ریڈی 39 ویں سال کی ہوگئی ہیں۔ ایکٹریس ان دنوں فلمی دنیا سے دور ہے لیکن فلمی دنیا سے دور ہونے کے باوجود بھی ایکٹریس اپنی تصویروں سے فائنس کو اپ ڈیٹ کرتی رہتی ہیں۔
تو چلئے جانتے ہیں کہ اب فلمی دنیا سے دور ایکٹریس کیسی زندگی گذاررہی ہیں۔ واضح ہو کہ ایکٹریس نے اپنے کیریئر کی شروعات 1998 میں پنکج ادہاس کے میوزیکل البم ”آہستہ“ سے کی تھی۔ اس میں لوگوں کو سمیرا کا کردار کافی پسند آیا اس کے بعد سمیرا نے سال 2000 میں جگجیت سنگھ کے البم ”تیرے آنے کی جب خبر مہکے“ میں کام کیا۔ ایکٹریس نے سال 2002 میں فلم میں نے دل تجھ کو دیا سے بالی ووڈ میں ڈبیو کیا۔
اس کے بعد انہوں نے ڈرنا منع ہے، مسافر، نو انٹری، پلان، ٹیکسی نمبر 9211 اور دے دھنا دھن جیسی فلموں میں اپنی دمدار اداکاری سے کافی نام کمایا۔ ان کی بالی ووڈ میں آخری فلم چکرویو تھی جو سال 2013 میں آئی تھی۔ اس کے بعد ایکٹریس نے فلمی دنیا سے کنارہ کرلیا۔ سمیرا ریڈی امید سے ہے ان کی یہ تصاویر پچھلے دنوں سوشل میڈیا پر خوب خبروں میں رہیں۔ لوگ یہ پوچھتے نہیں تھک رہے تھے کہ وہ ان تصاویر کے ذریعہ لوگوں کو کیا بتانا چاہتی تھیں لیکن اب ایسا محسوس ہونے لگا ہے کہ سمیرا ان تصاویر کے ذریعہ اپنی موجودگی کا احساس دلا رہی تھیں۔