ಸುಳ್ಳನ್ನೇ ಹೇಳಿ ಸಿಕ್ಕಿಬಿದ್ದ ನಟಿಯ ಕತೆ ಏನಾಯ್ತು...
ಬಹುತೇಕ ಚಿತ್ರಗಳಲ್ಲಿ ನಟಿ ಹೀರೋ ಗೆ ಪ್ರಾರಂಭದಲ್ಲಿ ಹೇಳುವುದು ಸುಳ್ಳೇ. ಅದು ತನ್ನ ಗೆಳತಿಯಿಂದಲೋ, ಫ್ರೆಂಡ್ ಇಂದಲೋ ತಿಳಿಯಬೇಕು ನಟನಿಗೆ. ಈಗೆ ಸದಾಕಾಲ ಸುಳ್ಳನ್ನೇ ಹೇಳುವ ನಟಿಗೆ ಕೊನೆಗೇನಾಗುತ್ತದೆ ಎಂಬುದೇ ಅಂದವಾದ ಚಿತ್ರ. ಅಂದವಾದ ಎಂದ ತಕ್ಷಣ ಬ್ಯೂಟಿಫುಲ್ ಆ ಎಂದು ಕನಸು ಕಾಣ ಬೇಡಿ. ಏಕೆಂದರೇ ಚಿತ್ರದ ಹೆಸರೇ ಅಂದವಾದ. ಇತ್ತೀಚೆಗಷ್ಟೈ ಬಿಡುಗಡೆಯಾಗಿ ಯಶಸ್ವಿ ಪ್ರದರ್ಶನ ಕಾಣುತ್ತಿದೆ.
ಸಿನಿಮಾ ಚೆನ್ನಾಗಿದೆ ಅಂದ್ರೆ ಅದು ಸ್ಟಾರ್ ಸಿನಿಮಾಗೇ ಆಗ್ಲಿ. ಹೊಸಬರ ಸಿನಿಮಾಗೇ ಆಗ್ಲಿ ನಮ್ ಜನ ಗೆಲ್ಲಿಸಿ ಬೆನ್ನು ತಟ್ತಾರೆ. ಇದೀಗ ಅದೇ ಸಾಲಿನಲ್ಲಿ ಹೊಸತಂಡದ ಹೊಸ ಸಿನಿಮಾ ಸಕ್ಸಸ್ ಹಾದಿಯಲ್ಲಿ ಮುನ್ನುಗ್ತಾಯಿದೆ. ಜೊತೆಗೊಂದು ದಾಖಲೆ ಕೂಡ ಬರೆದಿದೆ. ಅಂದವಾದ..ಟೈಟಲ್ಗೆ ತಕ್ಕಂತೆ ಇದೊಂದು ಲವ್ ಸ್ಟೋರಿ..ಆಲ್ಮೋಸ್ಟ್ ಮಳೆ ಮತ್ತು ಹಿಮದ ಬ್ಯಾಕ್ಡ್ರಾಪ್ ನಲ್ಲೇ ನಡೆಯೋ ಕಥೆ. ಸುಳ್ಳುಗಳನ್ನೇ ಹೇಳಿಕೊಂಡು ಪ್ರೀತಿಸೋ ಹುಡುಗಿಯೊಬ್ಬಳ ಕಥೆ. ಆ ಸುಳ್ಳುಗಳೆಲ್ಲಾ ನಾಯಕನಿಗೆ ಗೊತ್ತಾದಾಗ ಏನಾಗುತ್ತೆ ಅನ್ನೋದೇ ಚಿತ್ರದ ಸ್ಟೋರಿಲೈನ್.
ಕಳೆದ ಶುಕ್ರವಾರ ತೆರೆಕಂಡಿರೋ ಅಂದವಾದ ಸಿನಿಮಾ ಥಿಯೇಟರ್ ಅಂಗಳದಲ್ಲಿ ಸಕ್ಸಸ್ಫುಲ್ಲಾಗಿ ಮುನ್ನುಗ್ತಿದೆ. ಸಿನಿಮಾ ನೋಡಿದ ಸಿನಿಪ್ರಿಯರು ಈ ಲವ್ ಸ್ಟೋರಿ ನೋಡಿ ಫ್ರೆಶ್ ಫೀಲ್ ಮಾಡ್ತಿದ್ದಾರೆ. ಎಲ್ಲದಕ್ಕಿಂತ ಹೆಚ್ಚಾಗಿ ಅಂದವಾದ ಸಿನಿಮಾ ಐಎಮ್ಡಿಬಿಯಲ್ಲಿ 3 ನೇ ಸ್ಥಾನ ಪಡೆದುಕೊಂಡಿದೆ. ಹಿಂದಿಯ ಹೌಸ್ಫುಲ್ 4, ತಮಿಳಿನ ಬಿಗಿಲ್ ಮೊದಲ ಮತ್ತು ಎರಡನೇ ಸ್ಥಾನದಲ್ಲಿದೆ. ಈ ಮೂಲಕ ಅಂದವಾದ ಸಿನಿಮಾ ದಾಖಲೆಯತ್ತ ಮುಖ ಮಾಡಿದೆ.
ಅಂದ್ಹಾಗೇ ಅಂದವಾದ ಸಿನಿಮಾ ಮೂಲಕ ಜೈ ಎಂಬ ಹೊಸ ಪ್ರತಿಭೆ ಚಿತ್ರರಂಗಕ್ಕೆ ಕಾಲಿಟ್ಟಿದ್ದು, ಅನುಷಾ ರಂಗನಾಥ್ ನಾಯಕಿಯಾಗಿ ಮಿಂಚಿದ್ದಾರೆ.ಚಿತ್ರಕ್ಕೆ ನಿರ್ದೇಶಕ ಚಲ ಆ್ಯಕ್ಷನ್ ಕಟ್ ಹೇಳಿದ್ದಾರೆ. ಈಗಾಗ್ಲೇ ಚಿತ್ರಕ್ಕೆ ಪಾಸಿಟಿವ್ ರೆಸ್ಪಾನ್ಸ್ಮತ್ತು ರಿವ್ಯೂಸ್ ಸಿಕ್ಕಿದ್ದು, ತೆಲುಗಿನ ಗೀತಾಂಜಲಿ ಸಿನಿಮಾದ ಫೀಲ್ ಕೊಡುತ್ತೆ ಅನ್ನೋದು ಸಿನಿಪ್ರಿಯ ಅಭಿಪ್ರಾಯವಾಗಿದೆ. ಹೊಸಬರ ಈ ದಾಖಲೆಯ ಚಿತ್ರಕ್ಕೆ ಪ್ರೇಕ್ಷಕ ಓ ಕೆ ಎಂದಿದ್ದು ನಿರ್ಮಾಪಕ ಮತ್ತು ಚಿತ್ರತಂಡ ಫುಲ್ ಖುಷ್ ಆಗಿದೆ.