బిగ్ బాస్ షో పై రేణుదేశాయ్ ఘాటైన వ్యాఖ్యలు !
ఈమధ్య కాలంలో సోషల్ మీడియాకు దూరంగా ఉంటున్న రేణు దేశాయ్ మళ్ళీ సోషల్ మీడియాలో తన సందడి మొదలు పెట్టింది. లేటెస్ట్ గా ఈమె తన అభిమానులకు అందుబాటులోకి వచ్చి వారు అడిగిన అనేక ప్రశ్నలకు సమాధానాలు ఇస్తూ మధ్యలో ‘బిగ్ బాస్’ ప్రస్తావన వచ్చినప్పుడు కొన్ని షాకింగ్ కామెంట్స్ కూడ చేసింది.
ఒక అభిమాని ‘బిగ్ బాస్’ షో ఆఫర్ ను ఎందుకు వదులుకున్నారు అని ఆడిగిన ప్రశ్నకు సమాధానం ఇస్తూ తాను ‘బిగ్ బాస్’ షోకి పనికి వచ్చే మెటీరియల్ కాదనీ అందువల్ల తాను ఆ షోను తిరస్కరించాను అంటూ కామెంట్స్ చేసింది. అంతేకాదు తన పిల్లలను వదిలి 100 రోజులు బిగ్ బాస్ హౌస్ లో బందీగా ఉండటం తన వల్ల కాని పని అంటూ వ్యాఖ్యలు చేసింది.
‘బిగ్ బాస్’ షోకు తనను అతిధిగా పిలిచినా తాను వెళ్లనని దానికి కారణం ఆ షో పై తనకు సదభిప్రాయం లేదు అంటూ అంతమాత్రం చేత ఆషో మంచిది కాదు అని తాను చెప్పడం లేదు అంటూ కామెంట్ చేసింది. స్వతహాగా తనకు కెమెరా ముందు నిలబడటం కంటే కెమెరా వెనుక పనిచేయడం ఇష్టం అనీ అందువల్లనే తాను దర్శకురాలుగా మారినట్లు క్లారిటీ ఇచ్చింది.
ఇదే సందర్భంలో కొందరు ఆమెను కొన్ని ప్రశ్నలను అడిగి ఇరుకున పెట్టడానికి ప్రయత్నిస్తే చెత్త ప్రశ్నలు అడిగి తనచేత తిట్లుతినద్దు అంటూ క్లాస్ పీకింది. త్వరలో తాను రెండు సినిమాలకు దర్శకత్వం వహిస్తున్న విషయాలను వివరిస్తూ ఆ రెండిటిలో ఒక సినిమా తెలుగులో కూడ ఉంటుంది అని క్లారిటీ ఇచ్చింది. అయితే ఆమె బెల్లం కొండ శ్రీను నటిస్తున్న ‘టైగర్ నాగేశ్వరరావు’ బయోపిక్ లో నటిస్తున్నారా అని అడిగిన ప్రశ్నకు ఆమె స్పష్టమైన సమాధానం ఇవ్వకపోవడంతో ఇంకా ఈ విషయమై రేణు సందిగ్ధంలోనే ఉంది అనుకోవాలి..