సీతమ్మ పై సెటైర్లు వేసిన రామయ్య..!!
నిన్న విడుదలైన జూనియర్ ఎన్టీఆర్ రామయ్యా వస్తావయ్యా లేటెస్ట్ టీజర్ సరికొత్త సంచలనానికి తెరతీసింది. ఈ చిత్రం ప్రమోషన్ లో భాగంగా కొత్త కామెడీ ట్రైలర్ ని విడుదల చేసారు. ఆ ట్రైలర్ లో మహేష్ బాబు సూపర్ హిట్ చిత్రం సీతమ్మ వాకిట్లో సిరిమల్లె చెట్టు లోని టైటిల్ సాంగ్ ని కామెడీ చేసాడు ఎన్టీఆర్. గతంలో మహేష్ సూపర్ హిట్ దూకుడులో యమదొంగలోని ఎన్టీఆర్ డైలాగ్ ని కామెడీ చేసాడు. దానికి ప్రతిగా ఇలా ఈ చిత్రంలో సెటైర్లు వేసి స్వీట్ రివేంజ్ తీర్చుకున్నాడని అంటున్నారు.
ఇక తెలంగాణ నోట్ కు కేంద్ర కేబినెట్ ఆమోదం తెలిపిన తర్వాత సీమాంధ్ర ప్రాంతంలో పరిస్థితులు చేజారి పోయిన సందర్భంలో సీమాంధ్రలో ఉద్యమాల కారణంగా విద్యుత్, రవాణాతోపాటు ఇతర రంగాల్లో కూడా సంక్షోభాలు నెలకొన్నాయి అన్న సంగతి తెలిసిందే. ఈ పరిస్థుతుల రీత్యా ఈ సినిమా విడుదలకు దిల్ రాజ్ వెనుకడుగు వేస్తున్నాడని వార్తలు రావడమే కాకుండా దసరాకు రామయ్య రావడం ఇక లేనట్లే అనుకోవాలి.
గత 70 రోజులుగా సీమాంధ్రలో ఉద్యమ ప్రబావం ఉవ్వెత్తున్న ఉన్న కారణంగా టాలీవుడ్ లో నిర్మాణం పూర్తి చేసుకుని విడుదలకు సిద్ధమైన భారీ బడ్జెట్, అగ్ర నటుల చిత్రాలు వాయిదా పడ్డాయి అన్న విషయం తెలిసిందే. ఈ లిస్టులో ప్రస్తుతం రామయ్య కూడ చేరిపోయింది. దసరాకు పండుగ చేసుకుందామనుకున్న యంగ్ టైగర్ అభిమానుల అసలపై నీళ్ళు చల్లింది. ఇంతకీ సీతమ్మ సినిమాపై జూనియర్ వేసిన సెటైరుకు మహేష్ తన రాబోతున్న ‘1’ సినిమాలో మరో సెటైరు వేసి సమాధానం ఇస్తాడేమో చూడాలి...