సంచలనంగా మారిన నాగార్జునకు అమల ఓపెన్ లెటర్ !
మరి కొన్ని నెలలలో నాగార్జున 60వ సంవత్సరంలోకి అడుగు పెట్టబోతున్న నేపధ్యంలో అమల నాగ్ కు వ్రాసిన ఓపెన్ లెటర్ ఈరోజున హాట్ న్యూస్. నాగ్ కు 60 సంవత్సరాలు వస్తున్నా అమల దృష్టిలో మాత్రం నాగార్జున వయసు 33 సంవత్సరాలు మాత్రమే. దీనికి కారణం నాగార్జున నటించిన తొలి మూవీ ‘విక్రమ్’ విడుదలై ఇప్పటికి 33 సంవత్సరాలు మాత్రమే పూర్తి అయింది.
ఈ సందర్భంలో ఆమె నాగ్ గురించి తన లెటర్ ద్వారా సంచలన కామెంట్స్ చేసింది. నాగార్జున స్క్రీన్ పై కనపడితే ఇప్పటికీ తన చూపు తిప్పుకోలేకపోతున్నానని నాగ్ కళ్ళల్లో మెరుపును చూసేందుకు తన గుండె తపిస్తూనే ఉంది అంటూ కామెంట్స్ చేసింది.
వయసు పెరుగుతున్న కొద్ది నాగ్ అందం ఇంకా పెరుగుతూనే ఉంది అంటూ తమ కుటుంబానికి షిరిడి సాయిని పరిచయం చేసిన పుణ్యం నాగ్ కే చెందుతుంది అంటూ కామెంట్స్ చేసింది. అంతేకాదు తన లైఫ్ లో మ్యాజిక్ ఒక్క నాగార్జున మాత్రమే అంటూ అతడి పై అమలకు ఉన్న అభిమానాన్ని ఈ ఎమోషనల్ పోస్ట్ ద్వారా తెలియచేసింది.
అక్కినేని నాగేశ్వరరావు అమితాబచన్ వంటి గొప్ప నటుల జీవితంలా నాగార్జున కూడ జీవితాంతం నటిస్తూనే ఉండాలని 60 సంవత్సరాల వయసులోకి వస్తున్నా నాగార్జున జీవితంలో సగం మాత్రమే అయింది అంటూ మరో మూడు దశాబ్దాల పాటు నాగార్జున సినిమాలలో నటించాలని తన కోరిక అని అంటోంది. ఇక చివరిగా తన జీవితంలో నాగ్ మ్యాజిక్ మాత్రమే కాకుండా జీవితంలో ఓడిపోతానని భయం లేని నాగార్జున తనకు భర్తగా లభించడం తన అదృష్టం అంటూ అమల పెట్టిన పోస్ట్ నాగ్ అభిమానుల మధ్య వైరల్ గా మారింది..