డబ్బే డబ్బు : ఈ విధంగా ఆలోచిస్తే సులభంగా డబ్బు సంపాదించడం సాధ్యమే
మనలో చాలామంది డబ్బు సంపాదించడం గురించి నిరంతరం ఆలోచిస్తూ ఉంటారు. కొందరు ఉద్యోగం, వ్యాపారం ద్వారా సమకూరుతున్న ఆదాయం సరిపోక ఎక్కువమొత్తంలో డబ్బు సంపాదించాలని ప్రయత్నిస్తే మరికొందరు మాత్రం సంపాదించిన డబ్బు ద్వారా మరింత సంపాదించాలని తాపత్రయపడుతూ ఉంటారు. డబ్బు అనే విషయం గురించి కొందరు మాట్లాడటానికి ఆసక్తి చూపిస్తే మరికొందరు మాత్రం అస్సలు ఇష్టపడరు.
డబ్బుపై ప్రతి మనిషికి భిన్నాభిప్రాయాలు ఉంటాయి. కానీ డబ్బు సంపాదించాలనే కోరిక మాత్రం అందరిలో ఉంటుంది. డబ్బు విషయంలో తల్లిదండ్రులు, మన చుట్టూ ఉండే వ్యక్తులు మనల్ని ప్రభావితం చేస్తారు. చాలామంది సులువుగా డబ్బు సంపాదించడం ఎలా....? అని ఆలోచిస్తూ ఉంటారు. నిజానికి సరైన ఆలోచనలు ఉంటే డబ్బు సులభంగా సంపాదించడం సాధ్యమే.
సులువుగా డబ్బు సంపాదించడానికి తక్కువ ఖర్చుతో ఎక్కువ లాభాలు ఇచ్చేవాటిపై దృష్టి పెట్టాలి. చాలావరకు రిస్క్ లేని వాటిపై పెట్టుబడులు పెట్టాలి. డబ్బును సరైన పద్ధతిలో, సరైన చోట పెట్టుబడి పెడితే ఎన్నో రెట్ల డబ్బుని మన వద్ద దగ్గర ఉన్న డబ్బు పుట్టించగలదు. ఎక్కడ పెట్టుబడి పెట్టాలి...? ఎలా పెట్టుబడి పెట్టాలి....? పెట్టుబడి పెట్టేముందు ఏ విషయాలు ఆలోచించుకోవాలి...? అనే ప్రశ్నలకు పెట్టుబడులు పెట్టే వాటిని బట్టి సమాధానాలు మారుతూ ఉంటాయి.
డబ్బును సరైన విధంగా పెట్టుబడులు పెట్టడం ద్వారా మాత్రమే మరింత ధనాన్ని సంపాదించుకోవడం సాధ్యమవుతుంది. పెట్టుబడులు పెట్టిన తరువాత పరిస్థితులకు అనుగుణంగా లాభనష్టాలను అంచనా వేస్తూ ముందడుగులు వేయాలి. ఈ విధంగా చేస్తే సులభంగా డబ్బు సంపాదించడం సాధ్యమవుతుంది. డబ్బును సరైన విధంగా పెట్టుబడిగా పెట్టడం వలన ఆ డబ్బు మరింత పెరగడానికి సహాయపడుతుంది. సంపాదించిన డబ్బులలో కొంత పెట్టుబడిగా పెట్టటం... నిరంతర విద్యార్థిగా డబ్బు గురించి తెలుసుకుంటూ, పరిశీలిస్తూ ఉండటం.... సమస్యలకు వస్తువుల ద్వారా, సేవల ద్వారా పరిష్కారం ఇవ్వడం చేస్తే సులువుగా డబ్బు సంపాదించవచ్చు.