బిచ్చగాడు 2 సినిమా ఎలా ఉందంటే?

Purushottham Vinay
తెలుగులో విజయ్ ఆంటోనీని 'బిచ్చగాడు' సినిమా  స్టార్ హీరోని చేసింది. ఆ సినిమా తెలుగులో చాలా పెద్ద హిట్టుగా నిలిచింది. ఆ సినిమా తర్వాత ఆయన చాలా సినిమాలు చేశారు. అందులో కొన్ని హిట్స్ కూడా ఉన్నాయి. అయితే ఏ సినిమాకి కూడా 'బిచ్చగాడు' స్థాయి విజయం లేదు. ఇక ఏడేళ్ళ తర్వాత 'బిచ్చగాడు 2' అంటూ విజయ్ ఆంటోనీ ప్రేక్షకుల ముందుకు వచ్చారు. ఈ సినిమాతో ఆయన దర్శకుడిగా కూడా పరిచయం అయ్యారు. ఈ సినిమా ఎలా ఉందో ఇప్పుడు మనం తెలుసుకుందాం..


ఇండియాలోని అత్యంత సంపన్న కుటుంబాల్లో విజయ్ గురుమూర్తి (విజయ్ ఆంటోనీ)ది 7 వ స్థానం.ఎన్నికల ఫండ్ పేరుతో సీఎంకు ఇతను రూ. 5000 కోట్లు ఫండ్ ఇచ్చిన వ్యక్తి.అయితే, విజయ్ ఆస్తి మీద ఆయన స్నేహితుడు ఇంకా కంపెనీలో పని చేసే అరవింద్ (దేవ్ గిల్) కన్ను పడుతుంది.సరిగ్గా అదే సమయంలో టీవీలో డాక్టర్ బ్రెయిన్ ట్రాన్స్ప్లాంట్ సర్జరీ గురించి చెప్పింది అతను వింటాడు.విజయ్ గురుమూర్తిని చంపేసి, అతని బాడీలో వేరొకరి బ్రెయిన్ ట్రాన్స్ప్లాంట్ చేసి, ఆస్థి మొత్తం కూడా కొట్టేయాలని ప్లాన్ చేస్తాడు. ఇక విజయ్ గురుమూర్తి బ్లడ్ గ్రూప్ మ్యాచ్ అయ్యే వ్యక్తి సత్య (విజయ్ ఆంటోనీ) దొరుకుతాడు.తరువాత బ్రెయిన్ ట్రాన్స్ప్లాంట్ సర్జరీ సక్సెస్ అవుతుంది.ఇప్పుడు బాడీ  విజయ్ గురుమూర్తిది. బ్రెయిన్ మాత్రం సత్యాది.


విజయ్ గురుమూర్తి ప్లేస్ లో సత్య బ్రెయిన్ వస్తే... తాము ఆడింది ఆట ఇంకా పాడింది పాట అనుకున్న అరవింద్ & కోకు చాలా పెద్ద షాక్ తగులుతుంది.తరువాత వాళ్ళను సత్య చంపేస్తాడు. ఎందుకు చంపేస్తాడు? ఇంకా అతని చెల్లెలు ఎవరు? తన చిన్నతనంలో జైలుకు ఎందుకు వెళ్ళాడు? అయితే ఆ బాడీ విజయ్ గురుమూర్తిది అయినా... అందులోని బ్రెయిన్ సత్యాది అని జనాలు కనిపెట్టారా? లేదా? విజయ్ గుర్తుమూర్తి ప్రేమించిన అమ్మాయి ఇంకా కంపెనీలో సెక్రటరీ హేమ (కావ్యా థాపర్) సహా ఎవరికీ అనుమానం రాలేదా? ఇక సత్య స్టార్ట్ చేసిన యాంటీ బికిలీ కార్యక్రమం ఏమిటి? అయితే ముఖ్యమంత్రి (రాధా రవి) అతడిని ఎందుకు చంపాలి? అనుకుంటున్నాడు? వంటి అంశాలు ఖచ్చితంగా సినిమా చూసి తెలుసుకోవాలి.


సినిమా ఎక్కడా కూడా ఓవర్ అనిపించలేదు. అయితే యోగిబాబు కామెడీ వర్కవుట్ కాలేదు. 'బిచ్చగాడు 2' సినిమా చూస్తే దర్శకుడిగా ఇది విజయ్ ఆంటోనీ తొలి సినిమా అని ఎక్కడా కూడా అనిపించదు. బాగా డీల్ చేశారు. ముఖ్యంగా ఆయన సంగీతం ఇంకా ఎడిటింగ్ చాలా హెల్ప్ అయ్యాయి. పాటలని పక్కన పెడితే... నేపథ్య సంగీతం చాలా బావుంది. కెమెరా వర్క్ అయితే పెద్ద సినిమా అని ఫీలింగ్ కలిగించింది. నిర్మాణ పరంగా కూడా ఎక్కడ రాజీ పడలేదు. మొత్తానికి సినిమా బాగుంది.

మరింత సమాచారం తెలుసుకోండి:

సంబంధిత వార్తలు: