చత్రపతి రీమేక్ అనగానే.. ఎంతో భయం వేసింది : వివి వినాయక్
ఒకప్పుడు టాలీవుడ్ లో స్టార్ డైరెక్టర్గా కొనసాగిన వివి వినాయక్ ఇప్పుడు తెలుగులో పూర్తిగా సినిమాలను తగ్గించాడు. అయితే ఇక రాజమౌళి దర్శకత్వంలో తెరకెక్కిన చత్రపతి సినిమాను ఇక హిందీలో రీమేక్ చేయగా ఈ సినిమా మే 12వ తేదీన రిలీజ్ కాబోతుంది. ఈ సినిమాలో ప్రభాస్ పాత్రలో టాలీవుడ్ హీరో బెల్లంకొండ శ్రీను నటించాడు. అయితే ఈ సినిమా విడుదల సమయం దగ్గర పడుతున్న నేపథ్యంలో ప్రస్తుతం చిత్ర బృందం బిజీ బిజీగా ఉంది అని చెప్పాలి. ఇటీవలే ప్రమోషన్స్ లో భాగంగా ప్రెస్ మీట్ లో వివి వినాయక్ మాట్లాడుతూ ఆసక్తికర వ్యాఖ్యలు చేశాడు.
చత్రపతి సినిమాను రీమేక్ చేయడానికి ముందు తనలో భయం కలిగింది అంటూ వివి వినాయక్ చెప్పుకొచ్చాడు. స్టార్ డైరెక్టర్ స్టార్ హీరో కాంబోలో వచ్చిన బ్లాక్ బస్టర్ మూవీ కావడంతో రీమేక్ అనేసరికి కచ్చితంగా కంపారిజన్ ఉంటుంది. అయితే బెల్లంకొండ సురేష్ మాత్రం పట్టు పట్టిమరి నువ్వు చేయగలవు అని నాతో ఒప్పించి ఈ సినిమా చేయించారు. రీమేక్ విషయంలో పెద్దగా మార్పులు అయితే చేయలేదు. అయితే అసలు సినిమాలో ఉన్న ఫీల్ ఎమోషన్ చెడగొట్టకుండా కొత్త సినిమాను దొరకకించడమే అసలైన పని. ఆ పనిని నేను కరెక్ట్ గా చేశానని అనుకుంటున్నా. అలాగే కొన్ని ఐకానిక్ షాట్స్ లో అయితే అస్సలు మార్పులు చేయలేదు. ఎందుకంటే అవి అలా ఉంటేనే ప్రేక్షకులకు కనెక్ట్ అవుతాయి. కానీ నా స్టైల్లో కొన్ని చేజింగ్ యాక్షన్ సీక్వెన్స్ మాత్రం ఇందులో పెట్టాను అంటూ వివి వినాయక్ చెప్పుకొచ్చారు.