డిసెంబర్ వరకు ప్రస్తుత సినిమాల పనులను ముగించనున్న ప్రభాస్..!
రెబల్ స్టార్ ప్రభాస్ ప్రస్తుతం వరుస సినిమాలలో హీరో గా నటిస్తున్న విషయం మన అందరికీ తెలిసిందే. ఇప్పటికే ఆది పురుష్ మూవీ షూటింగ్ ను ప్రభాస్ పూర్తి చేసుకున్నాడు. ఈ సినిమా మరి కొన్ని రోజుల్లో విడుదల కాబోతోంది. ఇది ఇలా ఉంటే ప్రశాంత్ నీల్ దర్శకత్వంలో ప్రభాస్ "సలార్" సినిమా షూటింగ్ ను చాలా రోజుల క్రితమే ప్రారంభించాడు. ఈ సినిమా భారీ యాక్షన్ ఎంటర్టైనర్ మూవీ కావడంతో ఈ సినిమా చిత్రీకరణ కొంత ఆలస్యం అవుతూ వస్తుంది.
ఇది ఇలా ఉంటే ఇప్పటికే ఈ మూవీ షూటింగ్ చివరి దశకు చేరుకుంది. మరికొన్ని రోజుల్లోనే ఈ మూవీ షూటింగ్ మొత్తం పూర్తి కానున్నట్లు తెలుస్తోంది. అలాగే ప్రస్తుతం ప్రభాస్ ప్రాజెక్ట్ కే అనే మూవీ లో ప్రభాస్ హీరో గా నటిస్తున్నాడు. ఈ మూవీ ని పాన్ వరల్డ్ మూవీ గా రూపొందిస్తున్నారు. నాగ్ అశ్విన్ దర్శకత్వంలో రూపొందుతున్న ఈ సినిమాలో దీపికా పదుకొనే హీరోయిన్ గా నటిస్తూ ఉండగా ... అమితా బచ్చన్ ... దిశా పటాని ఈ మూవీ లో కీలక పాత్రలలో కనిపించబోతున్నారు. ఈ మూవీ షూటింగ్ ను కూడా డిసెంబర్ లోపు పూర్తి చేసుకోవాలి అని ప్రభాస్ డిసైడ్ అయినట్లు తెలుస్తుంది.
ఈ రెండు మూవీ ల షూటింగ్ లతో పాటు ప్రభాస్ ప్రస్తుతం మారుతీ దర్శకత్వంలో పీపుల్స్ మీడియా సంస్థ రూపొందిస్తున్న మరో మూవీ లో కూడా హీరో గా నటిస్తున్నాడు. ఈ మూవీ షూటింగ్ ప్రస్తుతం శర వేగంగా జరుగుతుంది. ఈ మూవీ షూటింగ్ కూడా డిసెంబర్ లోపే పూర్తి చేసుకోవాలి అని ప్రభాస్ డిసైడ్ అయినట్లు తెలుస్తోంది. ఇలా డిసెంబర్ లోపు ఈ మూడు సినిమాల షూటింగ్ లను పూర్తి చేసుకుని వచ్చే సంవత్సరం మరో రెండు కొత్త సినిమాలను ప్రారంభించాలి అని ప్రభాస్ ప్రణాళికలను వేసుకుంటున్నట్లు తెలుస్తోంది.