కీర్తి సురేష్ పెళ్లి చేసుకోకపోవడానికి కారణం అదేనా..?
ఇదిలా ఉండగా కీర్తి సురేష్ వ్యక్తిగత జీవితానికి వస్తే.. ఎప్పుడు వివాహం చేసుకుంటుంది అంటూ వార్తలు బాగా వైరల్ అవుతున్న విషయం తెలిసిందే. ఈ క్రమంలోనే కీర్తి సురేష్ పెళ్లి గురించి ప్రశ్న ఎదురవడంతో ఈమె ఇచ్చిన జవాబు అందరినీ ఆశ్చర్యానికి గురి చేసింది. అసలు విషయంలోకి వెళితే.. ఇటీవలే దసరా సినిమాతో ప్రేక్షకుల ముందుకు వచ్చి సక్సెస్ అందుకున్న ఈ ముద్దుగుమ్మ తాజాగా ఫాలోవర్స్ తో సరదాగా ముచ్చట్లు పెట్టింది. పెళ్లి గురించి అడిగిన ప్రశ్నలకు చాలా ఓపికగా సమాధానం తెలిపింది.
ఇందులో భాగంగానే ఒక నెటిజన్ పెళ్లి గురించి అడగడంతో.. కీర్తి సురేష్ ఏమీ చెప్పకుండా ఒక ఎమోజిని పంచుకుంది. అందులో జేబులు ఖాళీ అన్నట్లు ఉండడంతో ఈ స్టోరీ చూసి పెళ్లి చేసుకోవడానికి కీర్తి సురేష్ దగ్గర డబ్బులు లేవా అంటూ చాలామంది రకరకాలుగా ఆలోచిస్తున్నారు. కీర్తి సురేష్ ఎమోజిని ఏ ఉద్దేశంతో పంచుకుందో అనేది అర్థం కాక రకరకాల కామెంట్లు చేస్తున్నారు. ఏది ఏమైనా కీర్తి సురేష్ పెళ్లి చేసుకోక పోవడానికి కారణం డబ్బు అని ప్రతి ఒక్కరూ రకరకాలుగా కామెంట్లు చేస్తున్నారు.