పఠాన్: అందరిని వెనక్కునెట్టేసిన కింగ్ ఖాన్?
కొత్త సంవత్సరం 2023 రానే వచ్చేసింది. ఇక సరికొత్త సినిమాలతో సందడి చేసేందుకు ఈ సంవత్సరం సిద్ధమైంది. సంక్రాంతి పండుగ కానుకగా అన్ని భాషల్లో నుంచి వరుస సినిమాలు విడుదలకు రెడీ అవుతున్నాయి.తెలుగు నుంచి వీరసింహారెడ్డి, వాళ్తేర్ వీరయ్య, వారసుడు, తెగింపు వంటి భారీ సినిమాలు రిలీజ్ అవుతున్నాయి.ఇంకా ఈ క్రమంలో మూవీ డేటా బేస్ వేదిక అయిన IMDB 2023లో ఆసక్తిగా ఎదురు చూస్తున్న సినిమాల జాబితాను రిలీజ్ చేసింది. ఈ లిస్ట్లో బాలీవుడ్ స్టార్ హీరో కింగ్ ఖాన్ షారుఖ్ ఖాన్ 'పఠాన్' సినిమా టాప్లో ఉండటం గమనార్హం. 'పఠాన్' సినిమా టీజర్,సాంగ్స్ ఇంకా ప్రమోషన్ పిక్చర్స్ విడుదలైన నాటి నుంచి ఈ సినిమాపై సోషల్ మీడియాలో చాలా విపరీతమైన ట్రోలింగ్ జరుగుతోంది. అయినా వాటిని పక్కకు నెట్టి ఈ సినిమా టాప్లో ఉండటం గమనార్హం.ఇక భారతీయ సినీ ప్రేక్షకులు ఎంతో ఆసక్తిగా ఎదురు చూస్తున్న సినిమాల జాబితాలో రెండో స్థానాన్ని 'పుష్ప: ది రూల్' సినిమా దక్కించుకుంది.
టాలీవుడ్ స్టార్ హీరో అల్లు అర్జున్ హీరోగా సుకుమార్ దర్శకత్వం వహిస్తున్న ఈ సినిమా రెగ్యులర్ షూటింగ్ చాలా స్పీడ్ గా జరుపుకొంటోంది. ఇందులో రష్మిక హీరోయిన్ గా నటిస్తుంది. ఇక మూడో స్థానంలో షారుఖ్ ఖాన్ మరో సినిమా 'జవాన్' ఉండటం విశేషం. ఇక ఆ తర్వాతి స్థానాల్లో ప్రభాస్ 'ఆది పురుష్', 'సలార్' సినిమాలు ఉన్నాయి. ఈ సినిమాల తరువాత 'వారిసు', 'కబ్జా', 'దళపతి 67', 'ది ఆర్చిస్', 'డంకీ', 'టైగర్ 3', 'కిసీ కా భాయ్ కిసీ కా జాన్', 'తునివు', 'యానిమల్', 'ఏజెంట్', 'ఇండియన్ 2', 'వాడివసల్', 'షెజాదా', 'బడే మియా చోటే మియా' ఇంకా అలాగే 'భూలా' సినిమాలుఉన్నాయి. ఇక ఈ లిస్టులో అత్యధికంగా 11 బాలీవుడ్ సినిమాలు ఉండగా, 5 తమిళ, 3 తెలుగు సినిమాలున్నాయి. ఇక 'పఠాన్' సినిమా విషయానికొస్తే, షారుఖ్, దీపిక ఇంకా అలాగే జాన్ అబ్రహాం కీలక పాత్రల్లో నటించిన ఈ యాక్షన్ థ్రిల్లర్ జనవరి 25 వ తేదీన విడుదల కానుంది. బాలీవుడ్ స్టార్ డైరెక్టర్ సిద్ధార్థ్ ఆనంద్ ఈ సినిమాకు దర్శకత్వం వహిస్తున్నారు.