సమంత మరోపొరపాటు చేస్తోందా ?
ఇదే సందర్భంలో ఆమె భావయుక్తంగా చేసిన కొన్ని కామెంట్స్ కూడ వైరల్ గా మారాయి. ‘నా బాధను నష్టాన్ని నా అనారోగ్యాన్ని ఇలా అన్నింటికి పరిష్కారం చెప్పగల శక్తి ఒక కళకు మాత్రమే ఉంది’ అంటూ ఆమె చేసిన కామెంట్స్ లో ఎంతో వేదాంతంతో పాటు ఆమెకు కళ పట్ల ముఖ్యంగా నటన పట్ల ఆమెకు ఉన్న విపరీతమైన మక్కువను తెలియచేస్తోంది.
‘శాకుంతలం’ సినిమాకు సంబంధించి ఆమె డబ్బింగ్ చెపుతున్నట్లుగా కనిపిస్తున్న ఫోటోను చూసి కొందరు ఈవిషయంలో కూడ సమంత పొరపాటు చేస్తోందా అంటూ కామెంట్ చేస్తున్నారు. దీనికికారణం సమంతకు తెలుగు మాట్లాడటం వచ్చినప్పటికీ ఆమె మాట్లాడే భాషలో ఎక్కడో అక్కడ తమిళయాస కనిపిస్తుంది. ఈమధ్యనే విడుదలైన ‘యశోద’ మూవీలో సమంత పాత్రకు ఆమె డబ్బింగ్ చెప్పుకున్నప్పటికీ అక్కడక్కడా తెలుగు ఉచ్చారణలో కొన్ని పొరపాట్లు కనిపించాయి అంటూ విమర్శకులు కామెంట్స్ చేసారు.
సమంత నటించిన ‘శాకుంతలం’ మూవీలో డైలాగ్స్ సాధారణ సాంఘీక సినిమాలలో ఉండే విధంగా తేలికగా ఉండవు. చాల చోట్ల గ్రాంధిక భాష సమంత తన శకుంతల పాత్ర కోసం పలకవలసి ఉంటుంది. తెలుగు భాష పై పూర్తి పట్టులేకుండా సమంత తన సహజ సిద్ధమైన తమిళ వాసన తో ‘శాకుంతలం’ మూవీలోని డైలాగ్స్ చెపితే అంత రక్తికట్టదని అందువల్ల సమంత తన శకుంతల పాత్ర కోసం ఆమె స్వయంగా డబ్బింగ్ చెప్పుకోకుండా సమంత ఆత్మగా పేరు గాంచిన చిన్మయి చేత డబ్బింగ్ చెప్పించి ఉంటే బాగుండేది అంటూ అప్పుడే కొందరు సూచనలు చేస్తున్నారు.