ఆ తేదీ నుండి ఫ్రీగా "రామ్ సేతు" మూవీ..!
బాలీవుడ్ ఇండస్ట్రీలో అద్భుతమైన క్రేజ్ ఉన్న హీరోలలో ఒకరు అయినటువంటి అక్షయ్ కుమార్ గురించి ప్రత్యేకంగా సినీ ప్రేమికులకు పరిచయం చేయాల్సిన అవసరం లేదు. అక్షయ్ కుమార్ హిట్ ... ఫ్లాప్ లతో ఏ మాత్రం సంబంధం లేకుండా వరుస మూవీ లతో ప్రేక్షకులను అలరిస్తూ తన కెరియర్ ను అద్భుతమైన జోష్ లో ముందుకు సాగిస్తున్నాడు. ఇది ఇలా ఉంటే అక్షయ్ కుమార్ ఇప్పటికే ఈ సంవత్సరం ఏకంగా మూడు మూవీ లతో ప్రేక్షకులను పలకరించాడు.
అక్షయ్ కుమార్ ఈ సంవత్సరం రక్షా బంధన్ , పృథ్వీరాజ్ , రామ్ సేతు మూవీ లతో ప్రేక్షకులను పలకరించాడు. ఇందులో రామ్ సేతు సినిమా బాక్స్ ఆఫీస్ దగ్గర పర్వాలేదు అనే రేంజ్ విజయం సాధించినప్పటికీ , మిగతా రెండు మూవీ లు మాత్రం బాక్స్ ఆఫీస్ దగ్గర ప్రేక్షకులను పెద్దగా ఆకట్టు కోలేక పోయాయి. ఇది ఇలా ఉంటే ఈ సంవత్సరం అక్షయ్ కుమార్ కు బాక్స్ ఆఫీస్ దగ్గర మంచి విజయం అందించిన రామ్ సేతు మూవీ దీపావళి సందర్భంగా ఈ సంవత్సరం అక్టోబర్ 25 వ తేదీన థియేటర్ లలో విడుదల అయ్యింది.
బాక్స్ ఆఫీస్ దగ్గర మంచి విజయం సాధించుకున్న ఈ మూవీ ని అమెజాన్ ప్రైమ్ వీడియో సంస్థ కొన్ని రోజుల నుండి రెంట్ ఫర్ వ్యూ పద్ధతిలో అందుబాటు లోకి తీసుకువచ్చింది. ఈ మూవీ కి రెంట్ ఫర్ వ్యూ పద్ధతి లో కూడా ప్రేక్షకుల నుండి మంచి ఆదరణ లభించింది. ఈ మూవీ ని డిసెంబర్ 23 వ తేదీ నుండి ఉచితంగా చూసే వెసులు బాటను కల్పిస్తున్నట్లు తాజాగా అమెజాన్ ప్రైమ్ వీడియో సంస్థ అధికారికంగా ప్రకటించింది. దీనితో అమెజాన్ ప్రైమ్ యూజర్ లు డిసెంబర్ 23 వ తేదీ నుండి ఈ మూవీ ని ఫ్రీ గా చూడవచ్చు.